ᠰᠢᠷᠠᠭᠳᠤᠵᠤ ᠴᠢᠰᠤ ᠭᠠᠷᠬᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2022/9/29
      ᠰᠢᠷᠠᠭᠳᠤᠪᠠᠯ ᠶᠡᠷᠦᠳᠠ ᠪᠠᠨ ᠴᠢᠰᠦ ᠭᠠᠷᠳᠠᠭ᠃ ᠴᠢᠰᠤᠨ ᠤ ᠬᠡᠮᠵᠢᠶ᠎ᠠ ᠨᠢ800 —— 1000 ᠮᠢᠯᠢᠯᠢᠲᠷ ᠲᠤ ᠬᠦᠷᠪᠡᠯ ᠠᠮᠢ ᠨᠠᠰᠤᠨ ᠳᠤ ᠠᠶᠦᠯᠳᠠᠢ ᠪᠤᠯᠤᠨ᠎ᠠ᠃     ᠠᠷᠭᠠᠴᠠᠭᠠᠬᠤ ᠭᠤᠤᠯᠳᠠᠯᠭ᠎ᠠ     ● ᠴᠢᠰᠤ ᠭᠠᠷᠤᠭᠰᠠᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠨ᠂ ᠬᠤᠷᠤᠭᠤ ᠪᠠᠷ ᠢᠶᠠᠨ ᠲᠠᠷᠤᠬᠤ᠂ ᠲᠠᠷᠤᠯᠳᠠ ᠨᠡᠮᠡᠭᠳᠡᠬᠦᠯᠦᠨ ᠪᠤᠭᠤᠬᠤ᠂ ᠴᠢᠰᠤ ᠶᠢ ᠵᠤᠭᠰᠤᠭᠠᠬᠤ ᠤᠷᠢᠶᠠᠯᠳᠠ ᠪᠠᠷ ᠤᠷᠢᠶᠠᠬᠤ᠂ ᠰᠢᠷᠬ᠎ᠠ ᠶᠢ ᠪᠦᠭᠯᠡᠬᠦ᠂ ᠮᠦᠴᠢ ᠶᠢ ᠨᠤᠭᠤᠯᠤᠨ ᠦᠬᠡᠭ ᠲᠠᠪᠢᠰᠬᠦ ᠵᠡᠷᠬᠡ ᠵᠤᠭᠰᠤᠭᠠᠬᠤ ᠠᠷᠭ᠎ᠠ ᠶᠢ ᠬᠡᠷᠡᠭᠯᠡᠨ᠎ᠠ᠃     ● ᠬᠤᠷᠤᠭᠤ ᠪᠠᠷ ᠢᠶᠠᠨ ᠲᠠᠷᠤᠵᠤ ᠴᠢᠰᠤ ᠶᠢ ᠵᠤᠭᠰᠤᠭᠠᠬᠤ ᠠᠷᠭ᠎ᠠ᠄ ᠲᠤᠮᠳᠠ ᠵᠡᠷᠬᠡ ᠶᠢᠨ ᠪᠤᠶᠤ ᠲᠤᠮᠤ ᠲᠠᠷᠬᠠᠭᠠᠬᠤ ᠰᠤᠳᠠᠯ ᠠᠴᠠ ᠴᠢᠰᠤ ᠭᠠᠷᠬᠤ ᠳᠤ ᠲᠤᠰ ᠠᠷᠭ᠎ᠠ ᠶᠢ ᠬᠡᠷᠡᠭᠯᠡᠨ᠎ᠠ᠃ ᠴᠢᠰᠤ ᠭᠠᠷᠤᠭᠰᠠᠨ ᠭᠠᠵᠠᠷ ᠳᠠᠬᠢ ᠲᠠᠷᠬᠠᠭᠠᠬᠤ ᠰᠤᠳᠠᠯ ᠤᠨ ᠵᠢᠷᠦᠬᠡᠨ ᠳᠤ ᠦᠢᠷᠠᠬᠠᠨ ᠬᠡᠰᠡᠭ ᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠲᠠᠷᠤᠨ᠎ᠠ᠃     ● ᠰᠢᠷᠠᠭᠳᠤᠭᠰᠠᠨ ᠬᠡᠰᠡᠭ ᠢ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠲᠤᠯᠵᠤ ᠲᠤᠭᠳᠠᠭᠠᠭᠠᠳ ᠪᠡᠷᠳᠡᠭᠰᠡᠨ ᠬᠡᠰᠡᠭ ᠤᠨ ᠬᠦᠳᠡᠯᠬᠡᠬᠡᠨ ᠢ ᠬᠢᠵᠠᠭᠠᠷᠯᠠᠬᠤ ᠶᠢᠨ ᠬᠠᠮᠳᠤ ᠤᠷᠢᠶᠠᠯᠳᠠ᠂ ᠬᠠᠪᠴᠢᠶᠠᠰᠤ ᠪᠠᠷ ᠪᠠᠬᠢᠯᠡᠵᠤ ᠲᠤᠭᠳᠠᠭᠠᠨ᠎ᠠ᠃ ᠬᠡᠯᠪᠡᠷᠢ ᠨᠢ ᠬᠤᠪᠢᠷᠠᠭᠰᠠᠨ ᠬᠡᠰᠡᠭ ᠢ ᠲᠤᠷ᠎ᠠ ᠪᠠᠷ ᠲᠠᠳᠠᠵᠤ ᠠᠰᠯᠠᠭᠤᠯᠵᠤ ᠪᠤᠯᠬᠤ ᠦᠬᠡᠢ᠃    ● ᠪᠤᠭᠤᠯᠤᠭ ᠴᠢᠮᠦᠬᠡ ᠶᠢᠨ ᠶᠠᠰᠤ ᠪᠡᠷᠳᠡᠭᠰᠡᠨ ᠦᠶᠡᠰ ᠴᠡᠬᠡᠵᠢᠨ ᠤ ᠡᠮᠦᠨ᠎ᠠ ᠲᠤᠭᠳᠠᠭᠠᠵᠤ ᠤᠶᠠᠵᠤ ᠪᠤᠯᠤᠨ᠎ᠠ᠃    ● ᠴᠠᠷᠪᠠᠭᠤ ᠶᠢᠨ ᠶᠠᠰᠤ ᠪᠡᠷᠳᠡᠭᠰᠡᠨ ᠦᠶᠡᠰ ᠨᠤᠮ ᠵᠡᠷᠬᠡ ᠶᠢ ᠲᠡᠪᠢᠰᠴᠤ ᠤᠷᠢᠶᠠᠭᠠᠳ ᠬᠦᠵᠦᠬᠦᠨ ᠠᠴᠠ ᠲᠡᠬᠦᠵᠢᠯᠡᠨ᠎ᠠ᠂ ᠡᠨᠡ ᠨᠢ ᠵᠦᠪᠬᠡᠨ ᠲᠦᠷ ᠴᠠᠭ ᠬᠠᠮᠠᠭᠠᠯᠠᠬᠤ ᠦᠢᠯᠡᠳᠦᠯ ᠲᠠᠢ᠃    ● ᠲᠤᠤᠷ᠎ᠠ ᠮᠦᠴᠢ ᠶᠢᠨ ᠶᠠᠰᠤ ᠪᠡᠷᠳᠡᠬᠦ ᠦᠶᠡᠰ ᠰᠢᠷᠠᠭᠳᠤᠭᠰᠠᠨ ᠮᠦᠴᠢ ᠶᠢ ᠡᠷᠡᠬᠦᠯ ᠮᠦᠴᠢ ᠲᠠᠢ ᠵᠡᠷᠬᠡᠴᠡᠬᠦᠯᠵᠤ᠂ ᠦᠷᠬᠡᠨ ᠤᠷᠢᠶᠠᠯᠳᠠ ᠪᠠᠷ ᠬᠠᠮᠳᠤ ᠳᠤ ᠎ ᠨᠢ ᠤᠷᠢᠶᠠᠨ᠎ᠠ᠃    ● ᠭᠤᠤᠯ ᠨᠢᠷᠤᠭᠤᠨ ᠤ ᠶᠠᠰᠤ ᠪᠡᠷᠳᠡᠭᠰᠡᠨ ᠦᠶᠡᠰ ᠡᠪᠡᠳᠴᠢᠳᠠᠨ ᠢ ᠬᠠᠳᠠᠭᠤ ᠬᠠᠪᠳᠠᠰᠤᠨ ᠲᠡᠬᠡᠷ᠎ᠠ ᠲᠡᠭᠰᠢᠬᠡᠨ ᠬᠡᠪᠳᠡᠬᠦᠯᠦᠨ᠎ᠠ᠃
ᠢᠷᠡᠯᠲᠡ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠠᠴᠢᠮ ᠪᠠᠶᠢᠳᠠᠯ ᠢ ᠠᠷᠭᠠᠴᠠᠭᠠᠬᠤ ᠬᠠᠮᠢᠶᠠᠷᠣᠯᠲᠠ ᠶᠢᠨ ᠲᠣᠪᠴᠢᠶ᠎ᠠ