| | ᠬᠦᠬᠡᠳᠠᠪᠠᠯᠭᠠᠨ | ᠬᠦᠳᠡᠩ ᠤᠨᠢᠶᠠᠷ ᠳᠠᠲᠠᠵᠣ ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠤᠨ ᠨᠡᠭᠡᠭᠡᠭᠰᠡᠨ ᠬᠠᠩᠰᠢ ᠬᠥᠷᠥᠭᠡᠳ ᠢᠷᠡᠯᠡ᠃ ᠨᠡᠭᠡᠭᠡᠭᠰᠡᠨ ᠬᠠᠩᠰᠢ ᠶᠢᠨ ᠡᠨᠡ ᠡᠳᠥᠷ ᠪᠣᠯᠬᠤ ᠪᠦᠷᠢ | ᠮᠢᠨᠤ ᠰᠡᠳᠬᠢᠯ ᠶᠡᠷᠦᠨᠢ ᠣᠶᠢᠮᠤᠷᠴᠦ᠂ ᠡᠷᠭᠢᠴᠡᠭᠦᠯᠦᠯ ᠳᠤᠷᠠᠰᠤᠮᠵᠢ ᠶᠢᠨ ᠳᠤᠮᠳᠠ ᠣᠷᠣᠵᠤ ᠬᠠᠮᠤᠭ ᠤᠨ ᠬᠠᠶᠢᠷᠠᠲᠦ ᠬᠥᠮᠥᠰ ᠢ ᠪᠠᠨ ᠦᠭᠡᠶᠢᠯᠡᠨ ᠰᠠᠨᠠᠭᠠᠯᠵᠠᠵᠤ᠂ | ᠶᠠᠭᠤ ᠬᠢᠭᠡᠳ ᠴᠤ ᠰᠢᠢᠳ ᠦᠭᠡᠢ᠂ ᠤᠨᠲᠠᠵᠤ ᠢᠳᠡᠭᠡᠳ ᠴᠤ ᠠᠮᠲᠠ ᠦᠭᠡᠢ ᠪᠣᠯᠳᠠᠭ ᠮᠠᠨᠢ ᠤᠳᠠᠭᠠᠨ ᠵᠢᠯ ᠤᠨ ᠡᠮᠵᠡᠭ ᠪᠣᠯᠴᠢᠬᠠᠵᠠᠢ᠃ ᠠᠮᠢᠳᠤᠷᠠᠯ ᠤᠨ ᠠᠯᠢ | ᠪᠥᠬᠦᠨ ᠺᠢᠨᠤ᠋ ᠵᠢᠷᠤᠭ ᠮᠡᠲᠦ ᠪᠠᠶᠢᠨ ᠪᠠᠶᠢᠨ ᠲᠣᠳᠤᠷᠠᠭᠠᠳ᠂ ᠥᠷᠨᠢᠭᠦᠨ ᠳᠤᠯᠠᠭᠠᠨ ᠥᠶᠥᠭ ᠳᠦᠭᠦᠷᠡᠩ ᠲᠣᠮᠣ ᠭᠡᠷ ᠪᠦᠯᠢ ᠳ᠋ᠡᠬᠡᠨᠥᠰᠴᠦ ᠲᠣᠮᠣᠭᠠᠵᠢᠨ ᠥᠨᠢᠷ | ᠵᠢᠷᠭᠠᠯ ᠲᠠᠢ ᠠᠵᠤ ᠲᠥᠷᠥᠵᠦ ᠪᠠᠶᠢᠭᠰᠠᠨ ᠲᠡᠷᠡ ᠰᠠᠶᠢᠬᠠᠨ ᠴᠠᠭ ᠦᠶᠡ ᠠᠷᠭᠠ ᠦᠭᠡᠢ ᠪᠣᠳᠣᠭᠳᠠᠵᠤ᠂ ᠡᠨᠡᠷᠢᠯ ᠶᠡᠬᠡᠲᠡᠢ ᠡᠵᠢ ᠶᠢ ᠪᠠᠨ ᠡᠷᠬᠡ ᠦᠭᠡᠢ ᠳᠤᠷᠠᠰᠴᠤ᠂ | ᠲᠡᠷᠡ ᠮᠥᠷᠲᠡᠭᠡᠨ ᠡᠩᠰᠡᠷᠡᠲᠡᠯᠡ ᠤᠷᠤᠰᠬᠤ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠭᠠᠳ ᠰᠠᠶ᠋ᠢ ᠰᠡᠳᠬᠢᠯ ᠨᠢᠭᠡ ᠲᠠᠶᠢᠪᠤᠰᠢᠷᠠᠵᠤ ᠠᠪᠳᠠᠭ ᠶᠤᠮ᠃ | | | | | ᠮᠢᠨᠤ ᠲᠥᠷᠥᠵᠦ ᠥᠰᠦᠭᠰᠡᠨ ᠭᠡᠷ ᠪᠦᠯᠢ ᠭᠡᠵᠤ ᠬᠡᠳᠤᠨ ᠦᠶᠡ ᠪᠠᠷ ᠢᠶᠠᠨ ᠡᠶᠡ ᠡᠪ ᠲᠠᠢ ᠬᠠᠮᠲᠤ ᠠᠵᠦ ᠲᠦᠷᠦᠭᠰᠡᠨ ᠲᠣᠮᠤᠬᠠᠨ ᠠᠶᠢᠯ ᠪᠠᠶᠢᠭᠰᠠᠨ ᠶᠤᠮ᠃ | ᠡᠪᠦᠭᠡ ᠡᠮᠡᠭᠡ᠂ ᠠᠪᠤ ᠡᠵᠢ᠂ ᠠᠪᠠᠭᠠ ᠠᠪᠤ᠂ ᠠᠬᠠ ᠡᠭᠡᠴᠢ᠂ ᠬᠡᠤᠬᠡᠳ ᠠᠴᠢᠨᠠᠷ ᠁ ᠮᠡᠲᠦᠴᠢᠯᠡᠨ ᠨᠢᠭᠡ ᠲᠣᠭᠤᠭᠠᠨ ᠠᠴᠠ ᠪᠣᠳᠠᠭᠠ ᠢᠳᠡᠵᠦ᠂ ᠨᠢᠭᠡ | ᠬᠦᠷᠢᠶᠡᠨᠡ ᠠᠮᠢᠳᠤᠷᠠᠵᠤ᠂ ᠬᠡᠨ ᠠᠯᠢᠨ ᠤ ᠪᠠᠨ ᠦᠭᠡ ᠠᠴᠠ ᠦᠯᠦ ᠵᠥᠷᠢᠴᠡᠬᠦ ᠬᠠᠲᠠᠭᠤ ᠵᠢᠷᠤᠮ ᠬᠠᠯᠠᠭᠤᠨ ᠰᠤᠷᠲᠠᠯ ᠲᠠᠢ ᠠᠶᠢᠯ ᠭᠡᠳᠡᠭ ᠢ ᠤᠰᠤ ᠭᠤᠣᠯ ᠤᠨ | ᠬᠢᠨ ᠪᠢᠰᠢᠷᠡᠨ ᠪᠠᠭ᠋ᠠᠷᠬᠠᠳᠠᠭ ᠨᠢ ᠦᠨᠡᠨ ᠤᠴᠢᠷ ᠰᠠᠨ᠃ ᠮᠢᠨᠤ ᠠᠪᠤ ᠠᠬᠠ ᠳᠡᠭᠦᠦ ᠭᠤᠷᠪᠠ ᠶᠢᠨ ᠢᠶᠠᠨ ᠳᠣᠲᠣᠷᠠᠬᠢ ᠳᠤᠮᠳᠠᠬᠢ ᠨᠢ᠃ ᠤᠯᠠᠭᠠᠭᠴᠢᠨ ᠲᠠᠤᠯᠠᠢ ᠵᠢᠯ | ᠲᠠᠢ ᠮᠢᠨᠣ ᠡᠵᠢ ᠠᠷᠪᠠᠨ ᠵᠢᠷᠭᠤᠭᠠᠨ ᠤ ᠴᠡᠴᠡᠭ ᠰᠢᠭ ᠲᠣᠯᠠᠯᠵᠠᠭᠰᠠᠨ ᠨᠠᠰᠣᠨ ᠳᠠᠭᠠᠨ ᠬᠥᠬᠡ ᠬᠤᠯᠤᠭᠠᠨᠠ ᠵᠢᠯ ᠲᠠᠢ ᠠᠪᠤ ᠲᠠᠢ ᠣᠷᠤᠭ ᠬᠤᠯᠪᠣᠵᠤ ᠴᠠᠭ | ᠲᠦᠷᠣ ᠶᠢᠨ ᠶᠣᠰᠣᠭᠠᠷ ᠪᠠᠷᠢ ᠪᠣᠯᠣᠨ ᠪᠠᠭᠤᠵᠣ᠂ ᠡᠪᠦᠭᠡ ᠡᠮᠡᠭᠡ ᠶᠢ ᠡᠮᠰᠡᠭᠯᠡᠨ ᠠᠰᠠᠷᠠᠵᠤ᠂ ᠦᠷᠡ ᠲᠥᠯ ᠢᠶᠠᠨ ᠥᠰᠬᠡᠨ ᠡᠨᠡ ᠲᠣᠮᠣ ᠭᠡᠷ ᠪᠦᠯᠢ ᠶᠢᠨ ᠭᠠᠯ | ᠭᠤᠯᠣᠮᠳᠠ ᠶᠢ ᠠᠪᠦ ᠲᠠᠢ ᠬᠤᠶᠠᠭᠤᠯᠨ ᠪᠦᠬᠦᠯᠢ ᠲᠦᠴᠢᠨ ᠭᠤᠷᠪᠠᠨ ᠵᠢᠯ ᠪᠠᠳᠠᠷᠠᠭᠠᠨ ᠮᠠᠨᠠᠵᠣ ᠪᠢᠯᠨ᠃ ᠮᠢᠨᠤ ᠳ᠋ᠠ ᠳ᠋ᠠ ︵ᠶᠡᠭᠡ ᠠᠪᠠᠭᠠ᠂ ᠠᠪᠤ ᠶᠢᠨ ᠠᠬᠠ︶ ᠠᠴᠠ | ᠭᠤᠷᠪᠠᠨ ᠬᠦᠦ ᠨᠠᠢᠮᠠᠨ ᠬᠡᠣᠬᠡᠨ ᠲᠠᠢ᠂ ᠠᠪᠠᠭᠠ ︵ᠠᠪᠤ ᠶᠢᠨ ᠳᠡᠭᠦᠦ︶ ᠠᠴᠠ ᠬᠤᠶᠠᠷ ᠬᠦᠦ ᠬᠤᠶᠠᠷ ᠬᠡᠣᠬᠡᠨ ᠲᠠᠢ᠂ ᠠᠪᠤ ᠡᠵᠢ ᠠᠴᠠ ᠪᠢᠳᠡ ᠠᠬᠠ ᠳᠡᠭᠦᠦ | ᠡᠭᠡᠴᠢ ᠳᠡᠭᠦᠦ ᠵᠢᠷᠭᠤᠭᠤᠯᠠ ᠥᠰᠴᠦ ᠲᠣᠷᠨᠢᠭᠰᠠᠨ ᠶᠤᠮ᠃ ᠮᠢᠨᠤ ᠪᠠᠯᠴᠢᠷ ᠪᠠᠭᠠ ᠶᠢᠨ ᠥᠯᠥᠭᠡᠢ ᠭᠡᠷ ᠭᠡᠵᠦ ᠶᠣᠰᠣᠲᠠᠢ ᠢᠨᠢᠶᠡᠳᠦ ᠬᠥᠷ ᠪᠢᠯᠬᠠᠭᠰᠠᠨ ᠬᠤᠪᠣᠷᠬᠠᠨ | ᠰᠠᠶᠢᠬᠠᠨ ︽ᠳᠥᠷᠪᠡᠨ ᠦᠶᠡᠲᠦ ᠲᠣᠮᠣ ᠡᠷᠦᠬᠡ︾ ᠯᠠ ᠪᠠᠶᠢᠭᠰᠠᠨ ᠰᠠᠨ᠃ ᠡᠨᠡ ᠲᠣᠮᠤ ᠭᠡᠷ ᠪᠦᠯᠢ ᠳᠤ ᠵᠢᠳᠬᠦᠯ ᠬᠥᠯᠦᠰᠦ ᠪᠠᠨ ᠬᠠᠷᠠᠮ ᠦᠭᠡᠢ ᠤᠷᠤᠰᠬᠠᠵᠦ᠂ | ᠬᠠᠷᠢᠯᠠᠵᠦ ᠢᠷᠡᠭᠰᠡᠨ ᠴᠠᠭ ᠠᠴᠠ ᠪᠠᠨ ᠬᠤᠷᠮᠣᠢ ᠭᠦᠪᠢᠬᠦ ᠵᠠᠪ ᠦᠭᠡᠢ ᠵᠢᠳᠭᠦᠵᠣ ᠵᠦᠳᠡᠷᠡᠭᠰᠡᠨ ᠬᠥᠮᠥᠨ ᠤ ᠨᠢᠭᠡ ᠨᠢ ᠮᠢᠨᠤ ᠡᠵᠢ ᠪᠢᠯᠡ᠃ ᠡᠵᠢ ᠶᠢᠨ ᠮᠢᠨᠢ ᠨᠠᠮ | ᠳᠥᠯᠭᠡᠨ ᠳᠦᠷᠢ ᠳᠦᠷᠭᠦ᠂ ᠠᠰᠪᠤᠷᠢ ᠰᠢᠯᠤᠭᠤᠨ ᠵᠠᠩ ᠠᠷᠠᠨᠰᠢᠨ᠂ ᠡᠨᠡᠬᠦ ᠲᠣᠮᠣ ᠭᠡᠷ ᠪᠦᠯᠢ ᠶᠢᠨ ᠢᠶᠠᠨ ᠲᠥᠯᠦᠭᠡ ᠯᠠ ᠭᠡᠵᠤ ᠨᠢᠷᠤᠭᠤ ᠭᠡᠳᠡᠶᠢᠯ ᠦᠭᠡᠢ ᠲᠡᠮᠡᠦᠯᠵᠦ | ᠶᠠᠪᠤᠭᠰᠠᠨ ᠨᠢ ᠬᠦᠦ ᠮᠢᠨᠤᠬᠢ ᠪᠠᠨ ᠡᠯᠢᠭᠡ ᠵᠢᠷᠦᠬᠡᠨ ᠤ ᠰᠤᠳᠠᠰᠦ ᠶᠢ ᠯᠤᠭᠰᠢᠭᠤᠯᠵᠦ᠂ ᠥᠭᠡᠯᠠᠢ ᠢᠳᠡᠷ ᠪᠣᠯᠣᠭᠰᠠᠨ ᠴᠦ ᠡᠷᠡ ᠲᠠᠮᠢᠷ ᠢ ᠢᠮᠠᠭᠲᠠ ᠴᠢᠩᠭᠠᠯᠠᠵᠦ | ᠢᠷᠡᠭᠰᠡᠨ ᠬᠠᠮᠤᠭ ᠤᠨ ᠠᠭᠤᠤ ᠶᠡᠭᠡ ᠳᠠᠭᠤᠷᠢᠶᠠᠯ ᠬᠦᠴᠦᠨ ᠶᠤᠮ᠃ ᠨᠠᠮᠠ ᠶᠢ ᠠᠷᠪᠡ ᠬᠦᠷᠴᠦ ᠠᠷᠠᠳ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠲᠠᠨ ᠪᠣᠱᠤᠭᠠ ᠶᠢ | ᠠᠯᠬᠤᠬᠤ ᠬᠦᠷᠲᠡᠯᠡ ᠡᠪᠦᠭᠡ ᠡᠮᠡᠭᠡ ᠲᠠᠢ ᠪᠢᠳᠡ ᠬᠤᠷᠢᠭᠠᠳ ᠠᠮᠠ ᠬᠥᠮᠥᠨ ᠨᠢᠭᠡ ᠭᠡᠷ ᠲᠤ ᠠᠮᠢᠳᠤᠷᠠᠵᠤ᠂ ᠡᠵᠢ ᠮᠢᠨᠢ ᠶᠡᠷᠦᠨᠢ ᠪᠥᠬᠦ ᠭᠡᠷ ᠪᠦᠯᠢ ᠶᠢᠨ ᠨᠠᠰᠤᠲᠠᠢ | ᠨᠢᠯᠬᠠ ᠶᠢᠨ ᠡᠮᠦᠰᠬᠦ᠂ ᠢᠳᠡᠬᠦ᠂ ᠶᠠᠪᠤᠬᠤ ᠶᠡᠭᠡ ᠶᠠᠪᠤᠳᠠᠯ ᠳᠤ ᠶᠠᠭᠠᠷᠠᠨ᠂ ᠣᠶᠣᠳᠠᠯ ᠤᠲᠠᠰᠤ᠂ ᠭᠠᠯ ᠲᠣᠭᠤᠭᠠ᠂ ᠢᠩ ᠲᠡᠭᠡᠷᠮᠡ᠂ ᠦᠨᠢᠶᠡ ᠲᠣᠭᠤᠯ ᠣᠯᠠᠨ | ᠠᠵᠢᠯ ᠲᠥᠷᠥᠯ ᠤᠨ ᠭᠤᠣᠯ ᠪᠠᠭᠠᠲᠤᠷ ᠨᠢ ᠪᠣᠯᠵᠤ᠂ ᠦᠷ ᠤᠨ ᠭᠡᠭᠡ ᠠᠴᠠ ᠦᠳᠡᠰᠢ ᠶᠢᠨ ᠪᠦᠷᠦᠢ ᠪᠣᠯᠲᠠᠯᠠ ᠪᠣᠷᠪᠢ ᠪᠣᠬᠢᠰᠬᠢᠯ ᠦᠭᠡᠢ ᠮᠤᠩᠭᠠᠨᠢᠵᠤ ᠯᠠ ᠪᠠᠶᠢᠳᠠᠭ᠃ | ᠵᠢᠯ ᠴᠠᠭᠠᠨ ᠰᠠᠷᠠ ᠣᠶᠢᠷᠠᠳᠬᠤ ᠳᠤ ᠪᠥᠬᠦ ᠭᠡᠷ ᠤᠨ ᠬᠥᠮᠥᠰ ᠢ ᠴᠥᠮ ᠨᠢᠭᠡ ᠵᠠᠬᠠ ᠴᠤ ᠭᠡᠰᠡᠨ ᠰᠢᠨᠡ ᠬᠤᠪᠴᠠᠰᠤ ᠲᠠᠢ ᠰᠢᠨᠡᠯᠡᠭᠦᠯᠦᠨᠡ ᠭᠡᠵᠦ ᠲᠣᠰᠣᠨ | ᠳ᠋ᠧᠩ ᠤᠨ ᠳᠣᠣᠷᠠ ᠦᠢᠯᠡ ᠤᠲᠠᠰᠤ ᠣᠶᠣᠵᠤ᠂ ᠪᠢᠲᠡᠭᠦᠨ ᠤ ᠰᠥᠨᠢ ᠳᠤᠮᠳᠠ ᠪᠣᠯᠲᠠᠯᠠ ᠶᠠᠭᠠᠷᠠᠵᠤ ᠶᠠᠭᠠᠷᠠᠭᠠᠳ ᠥᠪᠡᠷ ᠢᠶᠠᠨ ᠠᠳᠠᠭ ᠨᠢ ᠨᠢᠭᠡ ᠵᠠᠬᠠ ᠰᠢᠨᠡ | ᠬᠠᠨᠳᠠᠭᠠᠵᠠ ᠴᠤ ᠦᠭᠡᠢ ᠬᠤᠭᠤᠰᠤᠨ ᠰᠠᠭᠤᠳᠠᠭ︔ ᠨᠠᠮᠤᠷ ᠬᠤᠷᠢᠶᠠᠵᠤ ᠡᠪᠦᠯ ᠣᠷᠣᠬᠤ ᠪᠠᠷ ᠮᠠᠨᠠᠶᠢᠬᠢᠨᠨᠣᠭᠤᠭᠠ ᠳᠠᠷᠤᠬᠤ᠂ ᠠᠮᠤ ᠴᠠᠶᠢᠯᠭᠠᠵᠤ ᠭᠤᠯᠢᠷ ᠲᠠᠯᠬᠠᠳᠠᠨ | ᠢᠩ ᠲᠡᠭᠡᠷᠮᠡ ᠬᠥᠯᠬᠦ ︽ᠶᠡᠭᠡ ᠲᠤᠯᠤᠯᠳᠤᠭᠠᠨ︾ ᠢᠶᠠᠨ ᠡᠬᠢᠯᠡᠳᠡᠭ᠃ ᠵᠠᠷᠢᠮ ᠳᠠᠭᠠᠨ ᠡᠮᠦᠨᠡ ᠡᠳᠦᠷ ᠨᠢ ᠠᠶᠢᠯ ᠤᠨ ᠢᠩ ᠰᠡᠯᠡᠭᠦᠦ ᠪᠠᠶᠢᠭᠰᠠᠨ ᠦᠭᠡᠢ ᠪᠣᠯ | ᠦᠷ ᠤᠨ ᠬᠠᠷᠠᠩᠭᠤᠢ ᠪᠠᠷ ᠪᠣᠰᠴᠤ ᠢᠩ ᠬᠦᠯᠦᠵᠣ ᠡᠷᠲᠡ ᠶᠢᠨ ᠬᠤᠭᠤᠯᠠ ᠪᠠᠨ ᠬᠢᠳᠡᠭ ᠤᠳᠠᠭᠠ ᠴᠤ ᠭᠠᠷᠳᠠᠭ᠃ ᠨᠡᠩ ᠴᠤ ᠰᠢᠨᠡᠯᠡᠬᠦ ᠭᠡᠳ ᠠᠮᠤ ᠬᠠᠭᠤᠷᠴᠤ᠂ | ᠨᠠᠩᠭᠢ ᠭᠤᠯᠢᠷ ᠳᠠᠷᠤᠨᠠ ᠭᠡᠳ ᠡᠵᠢ ᠪᠡᠷᠭᠡᠨ ᠨᠠᠷ ᠡᠷᠭᠢᠯᠳᠦᠨ ᠪᠤᠵᠢᠭᠢᠨᠠᠭᠠᠳ ᠢᠷᠡᠬᠦ ᠨᠢ ᠠᠶᠢᠯ ᠤᠨ ᠬᠥᠮᠥᠰ ᠢ ᠦᠨᠡᠬᠡᠷ ᠭᠠᠶᠢᠬᠠᠨ ᠪᠢᠰᠢᠷᠡᠭᠦᠯᠵᠦ ᠪᠠᠶᠢᠪᠠ᠃ | ᠬᠥᠮᠥᠨ ᠮᠠᠯ ᠢ ᠵᠡᠷᠭᠡ ᠪᠠᠷ ᠬᠥᠭᠵᠢᠭᠦᠯᠵᠦ ᠪᠠᠶᠢᠭᠰᠠᠨ ᠲᠡᠷᠡ ᠴᠠᠭ ᠡᠷᠡᠨ ᠳᠤ᠂ ᠡᠵᠢ ᠮᠢᠨᠢ ᠵᠠᠷᠢᠮ ᠳᠠᠭᠠᠨ ᠠᠶᠢᠯ ᠰᠠᠭᠠᠬᠠᠯᠲᠠ ᠳᠠᠭᠠᠨ ᠦᠳᠡᠰᠢ ᠣᠷᠣᠢ ᠪᠠᠷ | ᠵᠠᠯᠠᠭᠳᠠᠵᠤ᠂ ᠪᠠᠴᠢᠮᠳᠠᠨ ᠰᠠᠨᠳᠤᠷᠴᠤ ᠭᠦᠶᠦᠵᠦ ᠬᠥᠷᠥᠭᠡᠳ ᠬᠡᠦᠬᠡᠳ ᠲᠣᠰᠴᠤ ᠢᠳᠤᠭᠠᠨ ᠡᠬᠡ ᠪᠠᠷᠢᠭᠴᠢ ᠪᠣᠯᠵᠤ ᠬᠦᠢᠰᠦ ᠶᠢ ᠨᠢ ᠬᠠᠶᠢᠴᠢᠯᠠᠭᠠᠳ ᠢᠷᠡᠳᠡᠭ ᠴᠤ | ᠪᠠᠶᠢᠭᠰᠠᠨ ᠰᠠᠨ᠃ ᠬᠥᠮᠥᠨ ᠠᠮᠠ ᠣᠯᠠᠨ ᠲᠠᠢ ᠠᠶᠢᠯ ᠤᠨ ᠡᠮᠦᠰᠴᠦ᠂ ᠢᠳᠡᠬᠦ ᠪᠣᠯ ᠶᠡᠭᠡ ᠠᠰᠠᠭᠤᠳᠠᠯ ᠶᠤᠮ᠃ ᠡᠭᠦᠨ ᠳᠡᠭᠡᠷᠡ ᠭᠡᠶᠢᠴᠢᠨ ᠵᠣᠴᠢᠨ ᠢ ᠤᠭᠲᠤᠵᠤ | ᠦᠳᠡᠨᠡ ᠭᠡᠳᠡᠭ ᠨᠢ ᠮᠠᠨ ᠤ ᠭᠡᠷ ᠤᠨ ᠪᠠᠰᠠ ᠨᠢᠭᠡᠨ ᠥᠭᠡᠷᠡ ᠠᠶᠢᠯ ᠬᠤᠲᠠ ᠠᠴᠠ ᠣᠨᠴᠣᠭᠤᠢ ᠶᠡᠭᠡ ᠶᠠᠪᠤᠳᠠᠯ ᠰᠠᠨᠵᠠᠢ᠃ ᠠᠪᠤ ᠨᠠᠷ ᠤᠨ ᠨᠠᠭᠠᠴᠤ ᠶᠢᠨ ᠬᠢᠨ ᠬᠠᠷᠢ | ᠬᠤᠰᠢᠭᠤᠨ ᠠᠴᠠ ᠡᠮᠡᠭᠡ ᠶᠢ ᠡᠷᠭᠢᠬᠦ ᠪᠠᠷ ᠢᠷᠡᠬᠦ᠂ ᠳ᠋ᠠ ᠳ᠋ᠠ ᠶᠡᠭᠡ ᠪᠠᠷᠢᠭᠠᠲᠠ ᠶᠢᠨ ᠠᠯᠪᠠᠨ ᠳᠤ ᠶᠠᠪᠤᠵᠤ ᠪᠠᠶᠢᠳᠠᠭ ᠢᠶᠠᠷ ᠨᠢᠭᠡᠳᠦᠯ ᠪᠠᠷᠢᠭᠠᠲᠠ ᠶᠢᠨ ᠺᠠᠳ᠋ᠷ ᠨᠠᠷ | ᠢᠷᠡᠬᠦ᠂ ᠡᠵᠢ ᠪᠣᠯᠣᠨ ᠪᠡᠷᠭᠡᠨ ᠨᠠᠷ ᠤᠨ ᠲᠥᠷᠬᠦᠮ ᠠᠴᠠ ᠡᠷᠭᠢᠯᠲᠡ ᠪᠠᠷ ᠢᠷᠡᠬᠦ ᠭᠡᠬᠦᠴᠢᠯᠡᠨ᠂ ᠨᠡᠩ ᠴᠤ ᠠᠯᠤᠰ ᠬᠤᠯᠠ ᠵᠢᠷᠢᠮ ᠠᠴᠠ ᠠᠪᠠᠭᠠ ᠮᠢᠨᠢ ᠴᠡᠷᠢᠭ ᠤᠨ | ᠬᠤᠸᠠᠷᠠᠨ ᠠᠴᠠ ᠪᠠᠨ ᠴᠢᠯᠦᠭᠡ ᠪᠠᠷ ᠬᠠᠷᠢᠵᠦ ᠢᠷᠡᠬᠦ ᠳᠤ ᠠᠶᠢᠯ ᠠᠶᠢᠮᠠᠭ ᠤᠨ ᠲᠥᠷᠥᠯ ᠰᠠᠳᠤᠨ᠂ ᠬᠠᠮᠲᠤ ᠰᠤᠷᠤᠯᠭᠠᠲᠠᠨ᠂ ᠳᠠᠶᠢᠴᠢᠨ ᠬᠠᠨᠢ ᠨᠤᠭᠤᠳ ᠨᠢ | ᠵᠣᠯᠭᠠᠬᠤ ᠪᠠᠷ ᠴᠤᠭᠯᠠᠷᠠᠬᠤ ᠵᠡᠷᠭᠡ ᠲᠡᠷᠡ ᠴᠠᠭ ᠦᠶᠡ ᠪᠣᠯ ᠮᠠᠨ ᠤ ᠭᠡᠷ ᠤᠨ ᠬᠠᠮᠤᠭ ᠤᠨ ᠬᠥᠭᠵᠢᠯᠲᠡᠢ ᠪᠥᠭᠡᠳ ᠶᠠᠭᠠᠷᠠᠯᠲᠠᠢ ᠴᠠᠭ ᠪᠣᠯᠣᠨᠠ᠃ ᠬᠤᠯᠠ ᠶᠢᠨ | ᠭᠡᠶᠢᠴᠢᠨ ᠢᠶᠠᠨ ᠬᠤᠨᠤᠭᠤᠯᠵᠦ ᠥᠨᠵᠢᠭᠦᠯᠦᠨ᠂ ᠣᠶᠢᠷᠠ ᠶᠢᠨ ᠵᠣᠴᠢᠨ ᠢᠶᠠᠨ ᠢᠳᠡᠭᠦᠯᠵᠦ ᠤᠤᠭᠤᠯᠭᠠᠨᠠ ᠭᠡᠳ ᠶᠠᠭᠠᠷᠠᠬᠤ ᠶᠢᠨ ᠲᠡᠷᠢᠭᠦᠨ ᠳᠤ ᠶᠠᠭᠠᠷᠠᠭᠠᠳ᠂ ᠬᠠᠶᠠ | ᠵᠠᠷᠢᠮ ᠳᠠᠭᠠᠨ ᠥᠪᠡᠷ ᠢᠶᠠᠨ ᠥᠯ ᠬᠤᠭᠤᠯᠠ ᠦᠭᠡᠢ ᠬᠤᠨᠣᠳᠠᠭ ᠨᠢ ᠪᠠᠰᠠ ᠯᠠ ᠮᠢᠨᠤ ᠡᠵᠢ ᠶᠤᠮ᠃ ᠥᠪᠡᠷ ᠤᠨ ᠭᠡᠷ ᠤᠨ ᠬᠥᠮᠥᠰ ᠤᠨ ᠢᠶᠠᠨ ᠭᠤᠷᠪᠠᠨ ᠡᠷᠡᠨ ᠤ | ᠬᠤᠭᠤᠯᠠ ᠪᠠᠵᠠᠭᠠᠬᠤ ᠠᠴᠠ ᠠᠰᠲᠠᠭᠠᠨ ᠭᠡᠶᠢᠴᠢᠨ ᠵᠣᠴᠢᠨ ᠢᠶᠠᠨ ᠬᠠᠯᠠᠭᠤᠨ ᠴᠠᠢ ᠰᠢᠨᠡ ᠬᠤᠭᠤᠯᠠ ᠤᠤᠭᠤᠯᠭᠠᠵᠤ ᠢᠳᠡᠭᠦᠯᠦᠨᠡ ᠭᠡᠳ᠂ ︽ᠨᠢᠭᠡ ᠡᠳᠦᠷ ᠲᠤ | ᠳᠣᠯᠤᠭᠠ ᠨᠠᠢᠮᠠᠨᠲᠠ ᠭᠠᠯ ᠲᠣᠭᠤᠭᠠ ᠪᠠᠷᠢᠭᠰᠠᠨ ᠤᠳᠠᠭᠠ ᠭᠠᠷᠳᠠᠭ ᠰᠢᠤ︾ ᠭᠡᠵᠦ ᠡᠮᠡᠭᠡ ᠶᠢᠨ ᠮᠢᠨᠢ ᠪᠡᠷᠢᠶᠡᠳ ᠢᠶᠠᠨ ᠥᠷᠦᠪᠳᠦᠨ ᠪᠠᠰᠠ ᠰᠠᠶᠢᠰᠢᠶᠠᠨ ᠬᠡᠯᠡᠵᠦ | ᠪᠠᠶᠢᠭᠰᠠᠨ ᠢ ᠨᠢ ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ ᠠᠶᠢᠯᠴᠢᠯᠠᠵᠤ ᠢᠷᠡᠭᠰᠡᠨ ᠭᠡᠶᠢᠴᠢᠨ ᠵᠣᠴᠢᠨ ᠢᠶᠠᠨ ᠬᠤᠭᠤᠰᠤᠨ ᠭᠠᠷᠭᠠᠬᠤ ᠦᠭᠡᠢ ᠭᠡᠳ ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠭᠦᠯᠵᠦ | ᠂ ᠪᠠᠰᠠ ᠪᠠᠭᠠ ᠴᠤ ᠪᠣᠯᠤᠭ ᠪᠡᠯᠡᠭ ᠪᠠᠭᠯᠠᠬᠤ ᠨᠢ ᠮᠠᠨ ᠤ ᠭᠡᠷ ᠤᠨ ᠰᠤᠷᠲᠠᠯ ᠶᠤᠮ᠂ ᠡᠭᠦᠨ ᠢ ᠮᠢᠨᠤ ᠡᠵᠢ ᠯᠠ ᠬᠠᠷᠢᠭᠤᠴᠠᠵᠤ ᠭᠦᠢᠴᠡᠳᠬᠡᠳᠡᠭ᠃ ᠮᠢᠨᠤ ᠣᠢ ᠲᠣᠢ | ᠳᠤ᠂ ︽ᠮᠠᠯᠲᠠᠵᠤ ᠠᠷᠢᠯᠭᠠᠬᠤ︾ ᠬᠥᠳᠡᠯᠭᠡᠭᠡᠨ ᠢᠷᠡᠬᠦ ᠲᠡᠷᠡ ᠵᠢᠯ ᠳᠤ᠂ ᠬᠤᠶᠠᠷ ᠣᠮᠪᠣᠯ ᠢᠶᠠᠨ ᠦᠵᠡᠭᠰᠡᠨ ᠮᠢᠨᠤ ᠳ᠋ᠠ ᠳ᠋ᠠ ᠡᠷᠦᠬᠡ ᠰᠠᠯᠵᠤ᠂ ᠠᠷᠪᠠ ᠭᠠᠷᠤᠢ | ᠠᠮᠠ ᠬᠥᠮᠥᠨ ᠲᠠᠢ ᠪᠠᠨ ᠮᠥᠨ ᠬᠦᠷᠢᠶᠡᠨ ᠳᠤ ᠰᠢᠨᠡ ᠭᠡᠷ ᠪᠠᠷᠢᠵᠤ ᠠᠰᠲᠠᠭᠠᠨ ᠲᠤᠯᠭᠠ ᠪᠣᠰᠬᠠᠵᠤ᠂ ᠡᠪᠦᠭᠡ ᠡᠮᠡᠭᠡ ᠵᠠᠪᠠᠯ ᠬᠤᠶᠠᠳᠤᠭᠠᠷ ᠬᠦᠦ ᠪᠠᠨ ︽ᠳᠠᠭᠠᠨᠠ︾ | ᠭᠡᠳ ᠡᠪᠦᠭᠡ᠂ ᠠᠪᠤ ᠪᠢᠳᠡ ᠮᠥᠨ ᠠᠷᠪᠠᠭᠠᠳ ᠠᠮᠠ ᠬᠥᠮᠥᠨ ᠲᠠᠢ ᠠᠶᠢᠯ ᠪᠣᠯᠪᠠ᠃ ᠤᠯᠠᠮᠵᠢᠯᠠᠯ ᠵᠠᠩᠰᠢᠯ ᠳᠤ᠂ ᠨᠠᠰᠤᠲᠠᠢ ᠡᠴᠢᠭᠡ ᠡᠬᠡ ᠪᠣᠯᠣᠭᠰᠠᠳ ᠬᠡᠦᠬᠡᠳ | ᠦᠷᠡ ᠪᠠᠨ ᠠᠰᠲᠠᠭᠠᠨ ᠠᠶᠢᠯ ᠡᠷᠦᠬᠡ ᠪᠣᠯᠭᠠᠨ ᠰᠠᠯᠭᠠᠬᠤ ᠳᠠᠭᠠᠨ ᠶᠡᠷᠦᠨᠢ ᠨᠢᠭᠡ ᠪᠣᠯ ᠤᠤᠭᠠᠨ ᠬᠦᠦ ᠪᠠᠨ ᠳᠠᠭᠠᠵᠤ᠂ ᠦᠭᠡᠢ ᠪᠣᠯ ᠣᠳᠬᠤᠨ ᠬᠦᠦ ᠪᠠᠨ ᠳᠠᠭᠠᠳᠠᠭ | ᠶᠣᠰᠣᠨ ᠪᠣᠢ᠂ ᠳᠤᠮᠳᠠᠬᠢ ᠬᠦᠦ ᠪᠠᠨ ᠳᠠᠭᠠᠭᠰᠠᠨ ᠨᠢ ᠮᠢᠨᠤ ᠡᠪᠦᠭᠡ ᠡᠮᠡᠭᠡ ᠶᠢᠨ ᠨᠡᠶᠢᠭᠡᠮ ᠨᠡᠶᠢᠲᠡ ᠶᠢᠨ ᠡᠩ ᠤᠨ ᠵᠤᠷᠰᠢᠯ ᠠᠴᠠ ᠵᠢᠭᠠᠬᠠᠨ ᠣᠨᠳᠣᠣ ᠰᠣᠩᠭᠤᠯᠲᠠ | ᠪᠠᠶᠢᠵᠤ᠂ ᠡᠭᠦᠨ ᠳᠤ ᠨᠢ ᠮᠢᠨᠤ ᠠᠪᠤ ᠡᠵᠢ ᠬᠠᠷᠢᠨ ᠮᠠᠰᠢ ᠰᠡᠳᠬᠢᠯ ᠪᠠᠭ᠋ᠠᠳᠤᠮᠠ ᠪᠣᠯᠵᠤ᠂ ᠠᠴᠢᠯᠠᠯ ᠭᠦᠢᠴᠡᠳᠬᠡᠵᠦ ᠠᠮᠢᠳᠤᠷᠠᠬᠤ ᠬᠤᠪᠢ ᠲᠠᠢ ᠬᠡᠮᠡᠨ ᠰᠠᠨᠠᠳᠠᠭ | ᠶᠤᠮ᠃ | ᠣᠷᠴᠢᠯᠠᠩ ᠤᠨ ᠴᠠᠭ ᠮᠦᠴᠡ ᠵᠢᠮᠡ ᠪᠠᠷ ᠢᠶᠠᠨ ᠡᠭᠡᠯᠵᠢᠯᠡᠵᠦ᠂ ᠨᠢᠭᠡ ᠮᠡᠳᠡᠬᠦᠯᠡ ᠳᠦᠴᠢᠨ ᠵᠢᠯ ᠥᠩᠭᠡᠷᠡᠨ ᠣᠳᠴᠢᠬᠠᠵᠠᠢ᠃ ᠴᠠᠯ ᠵᠠᠯᠠᠭᠤ ᠨᠠᠰᠦ ᠮᠢᠨᠢ | ᠴᠦ ᠠᠮᠢᠳᠤᠷᠠᠯ ᠤᠨ ᠵᠢᠮᠡ ᠪᠠᠷ ᠦᠳᠡᠯᠦᠶᠠ ᠶᠢᠨ ᠵᠠᠮ ᠢ ᠠᠷᠭᠠ ᠦᠭᠡᠢ ᠡᠯᠭᠦᠵᠡᠢ ᠃ ᠬᠥᠮᠥᠨ ᠤ ᠬᠤᠷᠸᠠ ᠶᠢᠨ ᠡᠩᠬᠦᠯ ᠳᠣᠩᠬᠤᠯ ᠠᠶᠠᠨ᠂ ᠪᠠᠶᠠᠷ ᠪᠠᠭ᠋ᠠᠳᠤᠯ᠂ | ᠬᠥᠷ ᠢᠨᠢᠶᠡᠳᠦ᠂ ᠣᠶᠢᠳᠬᠠᠷ ᠭᠤᠨᠢᠭ ᠲᠡᠷᠡ ᠪᠦᠬᠦᠨ ᠨᠢ ᠲᠤᠭᠤᠯᠤᠨ ᠢᠷᠡᠭᠰᠡᠨ ᠰᠢᠨᠳᠠᠰᠦ ᠰᠢᠯᠭᠠᠬᠤ ᠳᠠᠪᠠᠭᠠ ᠮᠡᠲᠦ ᠪᠠᠷ ᠣᠢ ᠤᠶᠤᠨ ᠳᠤ ᠪᠠᠯᠠᠷᠠᠰᠢ ᠦᠭᠡᠢ | ᠳᠤᠷᠠᠳᠬᠠᠯ᠂ ᠪᠣᠴᠠᠰᠢ ᠦᠭᠡᠢ ᠡᠷᠬᠢᠴᠡᠭᠦᠯᠦᠯ ᠤᠨ ᠬᠠᠭᠤᠳᠠᠰᠦ ᠶᠢ ᠦᠯᠡᠳᠡᠭᠡᠪᠡ᠃ ᠳᠥᠴᠢᠨ ᠵᠢᠯ ᠤᠨ ᠡᠮᠣᠨᠡ᠂ ᠬᠠᠨᠭ᠍ᠰᠢ ᠶᠢᠨ ᠡᠳᠦᠷ ᠬᠦᠷᠴᠦ ᠢᠷᠡᠬᠦ ᠪᠠᠷ | ᠰᠤᠮᠤᠨ ᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠤ ᠪᠠᠶᠢᠭᠰᠠᠨ ᠮᠠᠨ ᠢ ᠳᠠᠭᠠᠵᠤ ᠣᠮᠪᠣᠯ ᠬᠦᠦ ᠪᠠᠨ ᠬᠠᠷᠠᠵᠤ ᠰᠠᠷᠠ ᠰᠢᠬᠠᠮ ᠰᠠᠭᠤᠭᠰᠠᠨ ᠡᠵᠢ ᠮᠢᠨᠢ ᠠᠷᠤ ᠭᠡᠷ | ᠲᠡᠭᠡᠨ ᠬᠠᠷᠢᠵᠦ᠂ ᠨᠢᠭᠡ ᠪᠠᠭ᠋ᠠᠨ ᠡᠳᠦᠷ ᠪᠣᠯᠣᠭᠠᠳ ᠢᠷᠡᠶᠡ ᠭᠡᠰᠡᠨ ᠪᠢᠯᠡ᠃ ᠬᠡᠨ ᠮᠡᠳᠡᠵᠢᠨᠡᠮ᠂ ᠲᠡᠷᠡ ᠬᠠᠩᠰᠢ ᠶᠢᠨ ᠲᠠᠷᠠᠭᠠᠬᠠᠨ᠂ ᠠᠴᠢᠯᠠᠬᠤ ᠬᠤᠪᠢ ᠲᠠᠢ | ᠪᠣᠯᠪᠠᠴᠤ ᠡᠳ᠋ᠯᠡᠬᠦ ᠪᠤᠶᠠᠨ ᠦᠭᠡᠢ ᠮᠢᠨᠤ ᠡᠵᠢ ᠦᠪᠡᠷ ᠤᠨ ᠪᠡᠶᠡ ᠨᠢ ᠡᠮᠡᠭᠡ ᠰᠠᠭᠤᠵᠣ ᠦᠰᠦ ᠭᠡᠵᠢᠭᠡ ᠨᠢ ᠪᠤᠭᠤᠷᠤᠯᠲᠤᠵᠤ ᠬᠦᠭᠰᠢᠳ ᠤᠨ ᠲᠠᠩᠰᠠᠨ ᠳᠤ | ᠣᠷᠣᠭᠰᠠᠨ ᠴᠣ᠋᠂ ᠡᠮᠦᠨᠡ ᠬᠤᠶᠠᠷ ᠵᠢᠯ ᠪᠣᠯᠲᠠᠯᠠ ᠡᠪᠦᠭᠡ ᠡᠮᠡᠭᠡ ᠬᠤᠶᠠᠷ ᠢ ᠨᠠᠶᠠᠨ ᠲᠠᠪᠦ᠂ ᠵᠢᠷᠭᠤᠭᠠ ᠬᠦᠷᠳᠡᠯᠡ ᠡᠪᠦᠳᠦᠭ ᠲᠣᠣᠷᠠ ᠨᠢ ᠡᠮᠰᠡᠭᠯᠡᠵᠣ ᠦᠨᠠᠨ ᠤ | ᠭᠠᠵᠠᠷ ᠲᠤᠨᠢ ᠬᠦᠷᠭᠡᠨ ᠵᠢᠷᠭᠠᠭᠤᠯᠣᠭᠰᠠᠨ ᠡᠵᠢ ᠮᠢᠨᠢ᠂ ᠡᠨᠡ ᠤᠳᠠᠭᠠ ᠠᠷᠤ ᠭᠡᠷ ᠲᠡᠭᠡᠨ ᠬᠠᠷᠢᠭᠠᠳ ᠳᠠᠬᠢᠵᠤ ᠪᠣᠴᠠᠵᠦ ᠢᠷᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠲᠠᠪᠢ | ᠶᠢᠰᠣᠳᠠᠢ ᠡᠵᠢ ᠮᠢᠨᠢ ᠲᠦᠴᠢᠨ ᠭᠤᠷᠪᠠᠨ ᠵᠢᠯ ᠲᠦᠷᠡᠯᠵᠢᠬᠦᠯᠦᠭᠰᠡᠨ ᠡᠨᠡ ᠲᠣᠮᠣ ᠪᠦᠯᠢ ᠶᠢᠨ ᠭᠠᠯ ᠵᠤᠤᠬᠠ ᠶᠢᠨ ᠢᠶᠠᠨ ᠲᠡᠷᠬᠡᠳᠠ ᠣᠨᠠᠭᠠᠳ ᠠᠪᠤ ᠪᠣᠯᠣᠨ ᠴᠢᠰᠣ | ᠮᠢᠬᠠᠨ ᠤ ᠲᠠᠰᠣᠷᠬᠠᠢ ᠴᠠᠶᠢᠯᠭᠠᠨ ᠠᠮᠢ ᠶᠢᠨ ᠬᠢᠨᠢ ᠵᠠᠯᠭᠠᠮᠵᠢ ᠦᠨᠳᠡᠬᠡᠨ ᠵᠢᠷᠭᠤᠭᠠᠨ ᠦᠷᠡ᠂ ᠣᠮᠪᠣᠯ ᠵᠣᠯᠵᠠᠭᠠ ᠨᠤᠭᠤᠳ ᠢᠶᠠᠨ ᠠᠷᠣ ᠳᠠᠭᠠᠨ ᠣᠷᠬᠢᠨ ᠬᠠᠯᠢᠨ | ᠣᠳᠴᠤ ᠶᠢᠷᠲᠢᠨᠴᠦ ᠶᠢᠨ ᠮᠦᠡᠭᠬᠡ ᠪᠣᠰᠣ ᠶᠢ ᠦᠵᠡᠭᠦᠯᠴᠢᠬᠡᠪᠡ᠃ ᠡᠨᠡ ᠪᠡᠶᠡ ᠶᠢ ᠲᠥᠷᠥᠵᠦ ᠦᠰᠬᠡᠭᠰᠡᠨ ᠡᠨᠡᠷᠢᠯ ᠤᠨ ᠨᠠᠷᠨ ᠢᠩᠭᠢᠵᠦ ᠤᠨᠠᠵᠤ᠂ ᠮᠢᠨᠤ | ᠠᠮᠢᠳᠤᠷᠠᠯ ᠤᠨ ᠳᠡᠯᠡᠬᠡᠢ ᠶᠡᠭᠦᠷᠡᠭᠰᠡᠨ ᠮᠡᠲᠦ ᠪᠣᠯᠪᠠ᠃ ᠬᠠᠯᠠᠭᠤᠨ ᠣᠭᠤᠷᠠᠭ ᠢ ᠨᠢ ᠰᠢᠮᠡᠨ ᠪᠠᠶᠢᠵᠤ ᠬᠦᠯ ᠳᠤ ᠣᠷᠣᠵᠣ᠂ ᠬᠠᠶᠢᠷᠠ ᠰᠤᠷᠭᠠᠯ ᠢ ᠬᠦᠷᠲᠡᠨ | ᠲᠣᠮᠣᠭᠠᠵᠢᠵᠤ᠂ ᠬᠠᠭᠤᠷᠣᠭᠰᠡᠨ ᠵᠠᠷᠮᠠ ᠭᠤᠯᠢᠷ ᠢ ᠨᠢ ᠬᠦᠨᠡᠰᠦ ᠬᠤᠭᠤᠯᠠ ᠪᠣᠯᠭᠠᠵᠦ ᠰᠤᠷᠭᠠᠭᠤᠯᠢ ᠰᠣᠶᠣᠯ ᠤᠨ ᠮᠥᠷ ᠬᠥᠭᠡᠭᠡᠵᠦ ᠬᠡᠯᠨ ᠰᠣᠶᠣᠯ ᠲᠠᠢ ᠪᠣᠯᠣᠭᠰᠠᠨ | ᠦᠷᠡ ᠨᠢ ᠪᠢ᠂ ᠠᠵᠢᠯ ᠠᠯᠪᠠ ᠳᠤ ᠭᠠᠷᠴᠤ ᠴᠠᠯᠢᠩ ᠹᠦᠩᠯᠦ ᠣᠯᠣᠭᠰᠠᠨ ᠪᠣᠯᠪᠠᠴᠤ᠂ ᠡᠨᠡᠷᠢᠯᠲᠦ ᠡᠵᠢ ᠳᠡᠭᠡᠨ ᠠᠴᠢ ᠭᠡᠵᠦ ᠶᠠᠭᠤ ᠴᠣ᠋ ᠬᠠᠷᠢᠭᠤᠯᠵᠣ | ᠠᠮᠵᠢᠭᠰᠠᠨ ᠦᠬᠡᠢ ᠭᠡᠮᠰᠢᠨ ᠬᠤᠴᠣᠷᠴᠠᠢ᠃ | ᠡᠵᠢ ᠶᠢᠨ ᠮᠢᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠨᠢ ᠲᠤᠩ ᠭᠡᠨᠡᠳᠲᠡ ᠶᠢᠨ ᠲᠤᠯᠠ᠂ ᠡᠳᠦᠷ ᠰᠤᠳᠤᠷ ᠦᠵᠡᠭᠦᠯᠵᠦ ᠡᠵᠢ ᠶᠢᠨ ᠬᠤᠵᠢᠮ ᠤᠨ ᠶᠠᠪᠤᠳᠠᠯ ᠢ ᠪᠠᠴᠢᠮ | ᠶᠠᠭᠠᠷᠠᠯᠲᠠᠢ ᠳᠠᠭᠤᠰᠬᠠᠭᠠᠳ᠂ ᠪᠢ ᠳᠡᠭᠡᠳᠦ ᠳᠤᠮᠳᠠᠳᠤ ᠶᠢᠨ ᠲᠡᠭᠦᠰᠬᠦ ᠣᠨ ᠢ ᠡᠷᠬᠢᠯᠡᠵᠦ ᠪᠠᠰᠠ ᠭᠤᠣᠯ ᠬᠢᠴᠢᠶᠡᠯ ᠵᠢᠭᠠᠵᠤ ᠪᠠᠶᠢᠭᠠ ᠪᠣᠯᠬᠤᠷ᠂ ᠭᠤᠷᠪᠠ ᠳᠣᠯᠤᠭᠠ | ᠬᠤᠨᠤᠭ ᠤᠨ ᠴᠡᠭᠡᠷ ᠰᠠᠬᠢᠯ ᠬᠡᠮᠡᠨ ᠭᠦᠢᠴᠡᠭᠡᠯ ᠦᠭᠡᠢ ᠠᠵᠢᠯ ᠤᠨ ᠪᠠᠶᠢᠷᠢ ᠳᠠᠭᠠᠨ ᠪᠤᠴᠠᠪᠠ᠃ ᠲᠤᠬᠠᠢ ᠶᠢᠨ ᠲᠡᠷᠡ ᠡᠳᠦᠷ ᠬᠤᠨᠤᠭ ᠤᠳ ᠲᠤ᠂ ᠥᠪᠡᠷ ᠤᠨ ᠪᠡᠶᠡ | ᠶᠠᠭ ᠰᠦᠨᠡᠰᠦ ᠪᠠᠨ ᠭᠡᠭᠡᠭᠰᠡᠨ ᠰᠢᠭ ᠪᠣᠯᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ ᠴᠠᠷᠭᠢᠯ ᠳᠠᠭᠤ ᠲᠠᠢ ᠯᠠᠪᠠᠷ ᠠᠴᠠ ᠡᠭᠡᠰᠢᠭ ᠳᠠᠭᠤᠤ ᠴᠣᠣᠷᠢᠶᠠᠳᠣᠬᠤ ᠪᠦᠷᠢ ᠥᠪᠡᠷ ᠤᠨ ᠡᠷᠬᠡ | ᠦᠭᠡᠢ ᠰᠡᠳᠬᠢᠯ ᠡᠮᠲᠡᠷᠡᠨ᠂ ᠪᠠᠭᠰᠢ ᠰᠣᠷᠣᠭᠴᠢᠳ ᠠᠴᠠ ᠪᠠᠨ ᠳᠠᠯᠳᠠ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠳᠠᠭ᠃ ᠡᠵᠢ ᠪᠠᠨ ᠠᠯᠳᠠᠭᠰᠠᠨ ᠵᠣᠯ ᠪᠤᠰᠤ ᠭᠠᠰᠢᠭᠤᠨ ᠴᠢᠮᠡᠭᠡ ᠶᠢ | ᠨᠠᠮᠠ ᠶᠢ ᠬᠠᠮᠤᠭ ᠠᠴᠠ ᠢᠯᠡᠭᠦᠦ ᠰᠠᠨᠠᠵᠤ ᠬᠠᠶᠢᠷᠠᠯᠠᠳᠠᠭ ᠲᠡᠷᠡ ᠬᠤᠯᠠ ᠶᠢᠨ ᠲᠦᠩᠯᠢᠶᠣᠣ ᠳᠤ ᠪᠠᠶᠢᠭᠠ ᠠᠪᠠᠭᠠ ᠠᠪᠤ ᠳᠠᠭᠠᠨ ᠳᠤᠭᠤᠯᠭᠠᠬᠤ ᠪᠠᠷ ᠵᠣᠷᠢᠭ | ᠰᠢᠭᠤᠳᠴᠤ ᠵᠠᠬᠢᠳᠠᠯ ᠪᠢᠴᠢᠵᠦ ᠢᠯᠡᠭᠡᠭᠰᠡᠨ ᠪᠢᠯᠡ᠃ ᠳᠡᠮᠡᠢ ᠬᠡᠳᠦᠨ ᠡᠳᠦᠷ ᠪᠣᠯᠣᠯ ᠦᠭᠡᠢ ᠪᠢ ᠠᠪᠠᠭᠠ ᠶᠢᠨ ᠬᠠᠷᠢᠭᠤ ᠵᠠᠬᠢᠶᠠ ᠶᠢ ᠲᠣᠰᠪᠠ᠃ ᠠᠪᠠᠭᠠ ᠶᠢᠨ | ᠵᠠᠬᠢᠶᠠ ᠡᠩ ᠤᠨ ᠵᠠᠬᠢᠳᠠᠯ ᠯᠠ ᠪᠢᠰᠢ᠂ ᠬᠠᠷᠢᠨ ᠡᠵᠢ ᠶᠢᠨ ᠨᠠᠰᠤ ᠪᠠᠷᠠᠭᠰᠠᠨ ᠳᠤ ᠪᠢᠴᠢᠭᠰᠡᠨ ᠭᠠᠰᠢᠭᠤᠳᠠᠯ ᠤᠨ ᠦᠭᠡᠰ ᠠᠵᠢ᠃ ᠪᠢ ᠠᠵᠢᠯ ᠠᠴᠠ ᠪᠠᠭᠤᠬᠤ | ᠴᠠᠭ ᠠᠴᠠ ᠡᠮᠦᠨᠡ ᠰᠤᠷᠭᠠᠭᠤᠯᠢ ᠠᠴᠠ ᠭᠡᠷ ᠲᠡᠭᠡᠨ ᠬᠠᠷᠢᠵᠦ ᠳᠠᠬᠢᠨᠲᠠ ᠨᠢᠭᠡ ᠨᠢᠭᠡ ᠦᠰᠦᠭ ᠢᠶᠠᠷ ᠤᠩᠰᠢᠵᠤ ᠪᠡᠭᠲᠡᠷᠡᠨ ᠬᠠᠨᠲᠠᠯᠠ ᠤᠭᠢᠯᠠᠪᠠ᠃ ᠲᠡᠷᠡ ᠣᠷᠣᠢ᠂ | ᠪᠢ ᠠᠪᠠᠭᠠ ᠶᠢᠨ ᠠᠪᠤ ᠳᠤ ᠭᠤᠪᠢᠭᠤᠯᠤᠭᠰᠠᠨ ᠮᠥᠩᠭᠦ ᠵᠣᠭᠤᠰ ᠢ ᠠᠪᠴᠤ ᠠᠷᠤ ᠭᠡᠷ ᠲᠡᠭᠡᠨ ᠳᠠᠪᠬᠢᠭᠤᠯᠤᠨ ᠬᠦᠷᠴᠣ ᠠᠪᠤ ᠪᠣᠯᠣᠨ ᠭᠡᠷ ᠤᠨ ᠪᠥᠬᠦ ᠬᠥᠮᠥᠰ ᠲᠡᠭᠡᠨ | ᠠᠪᠠᠭᠠ ᠵᠢᠨᠡᠨᠡᠬᠦ ᠶᠡᠷᠦ ᠪᠤᠰᠤ ᠶᠢᠨ ᠵᠠᠬᠢᠶᠠ ᠶᠢ ᠪᠥᠬᠦ ᠤᠳᠬᠠ ᠪᠠᠷ ᠨᠢ ᠤᠩᠰᠢᠵᠤ ᠥᠭᠪᠡ᠄ | | | | | | ᠬᠠᠶᠢᠷᠠᠲᠤ ᠠᠴᠢ ᠬᠦᠪᠡᠬᠦᠨ ᠲᠠᠨᠠ᠄ | ᠢᠯᠡᠭᠡᠭᠰᠡᠨ ᠵᠠᠬᠢᠳᠠᠯ ᠢ ᠴᠢᠨᠢ ᠲᠠᠪᠣᠨ ᠰᠠᠷᠠ ᠶᠢᠨ ᠬᠤᠶᠠᠷᠠᠨ ᠳᠤ ᠬᠤᠷᠢᠶᠠᠨ ᠣᠯᠪᠠ᠃ ᠬᠤᠶᠠᠳᠣᠭᠠᠷ ᠪᠡᠷᠭᠡᠨ ᠤ ᠲᠦᠷᠭᠡᠨ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ | ᠪᠠᠷᠠᠭᠰᠠᠨ ᠢ ᠰᠣᠨᠣᠰᠣᠭᠠᠳ ᠲᠣᠩ ᠰᠣᠴᠢᠵᠤ ᠲᠤᠶᠢᠯ ᠢᠶᠠᠷ ᠭᠠᠰᠢᠭᠤᠳᠠᠨ ᠭᠡᠮᠣᠷᠴᠣ ᠪᠠᠶᠢᠨᠠ᠃ ᠬᠤᠶᠠᠳᠣᠭᠠᠷ ᠪᠡᠷᠭᠡᠨ ᠤ ᠮᠢᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠨᠢ ᠲᠠᠨᠠᠷ ᠤᠨ | ᠵᠣᠯ ᠪᠣᠰᠣ ᠶᠠᠪᠣᠳᠠᠯ ᠪᠣᠯᠬᠤ ᠪᠠᠷ ᠦᠯᠦ ᠪᠠᠷᠠᠮ᠂ ᠮᠠᠨ ᠤ ᠪᠦᠬᠦ ᠭᠡᠷ ᠬᠤᠳᠠᠯᠠᠭᠠᠷ ᠰᠠᠳᠤᠨ ᠲᠥᠷᠥᠯ ᠤᠨ ᠠᠵᠨ ᠪᠣᠰᠣ ᠶᠠᠪᠣᠳᠠᠯ ᠪᠣᠯᠵᠠᠢ᠃ ᠪᠢ ᠣᠳᠠᠭᠠ ᠪᠣᠯᠭᠠᠨ | ᠭᠡᠷ ᠲᠤ ᠬᠠᠷᠢᠭᠠᠳ ᠪᠣᠴᠠᠵᠣ ᠢᠷᠡᠭᠦ ᠳᠤ ᠨᠢᠭᠡ ᠠᠵᠨ ᠪᠣᠰᠣ ᠭᠡᠷᠡᠭ ᠣᠴᠢᠷ ᠭᠠᠷᠣᠭᠠᠳ ᠯᠨ ᠪᠠᠶᠢᠨᠠ᠃ ᠣᠷᠴᠢᠮ ᠤᠨ ᠲᠦᠷᠪᠡᠨ ᠵᠢᠯ ᠤᠨ ᠲᠣᠳᠣᠷᠠ᠂ | ᠡᠷᠦᠭᠡ ᠭᠡᠷ ᠤᠨ ᠲᠣᠳᠣᠨᠣ ᠬᠦᠮᠦᠨ ᠠᠴᠠ ᠪᠡᠨᠵᠢᠯ ᠳᠤ ᠨᠢᠭᠡ ᠶᠢ ᠠᠯᠳᠠᠨᠠ ᠭᠡᠭᠴᠢ ᠦᠨᠡᠭᠡᠷ ᠵᠢᠷᠦᠭᠡ ᠶᠢ ᠡᠪᠡᠳᠦᠭᠦᠯᠦᠨᠡ᠂ ᠢᠯᠠᠩᠭᠤᠶᠠ ᠡᠵᠢ ᠶᠢᠨ ᠴᠢᠨᠢ ᠨᠠᠰᠣ | ᠪᠠᠷᠠᠭᠰᠠᠨ ᠶᠠᠪᠣᠳᠠᠯ ᠰᠡᠳᠬᠢᠯ ᠵᠢᠷᠦᠭᠡ ᠶᠢ ᠮᠠᠰᠢ ᠡᠮᠵᠡᠭᠯᠡᠬᠦᠯᠵᠣ ᠪᠠᠶᠢᠨᠠ᠃ | ᠬᠤᠶᠠᠳᠣᠭᠠᠷ ᠪᠡᠷᠭᠡᠨ ᠮᠠᠨ ᠤ ᠭᠡᠷ ᠲᠤ ᠢᠷᠡᠭᠡᠳ ᠲᠦᠴᠢ ᠢᠯᠡᠬᠦᠦ ᠵᠢᠯ ᠪᠣᠯᠣᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ᠂ ᠢᠮᠠᠭᠳᠠ ᠨᠠᠰᠣᠳᠠᠨ ᠢᠶᠠᠨ ᠬᠦᠨᠳᠦᠯᠡᠵᠣ᠂ ᠠᠬᠠ | ᠲᠡᠬᠦᠦ ᠨᠠᠷ ᠢᠶᠠᠨ ᠬᠠᠯᠠᠮᠵᠢᠯᠠᠵᠣ᠂ ᠨᠢᠯᠭᠠ ᠦᠷᠡᠰ ᠢᠶᠠᠨ ᠬᠠᠶᠢᠷᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠶᠣᠮ᠃ ᠨᠠᠰᠣᠳᠠᠢ ᠠᠪᠤ ᠡᠵᠢ ᠶᠢ ᠮᠢᠨᠢ ᠠᠰᠠᠷᠠᠨ᠂ ᠦᠷᠡ ᠵᠣᠯᠵᠠᠭᠠ ᠪᠠᠨ | ᠦᠰᠭᠡᠨᠡ ᠭᠡᠳ ᠦᠨᠡᠭᠡᠷ ᠵᠢᠷᠦᠭᠡᠨ ᠴᠢᠰᠤ ᠪᠠᠨ ᠰᠢᠪᠬᠠᠵᠣ ᠵᠣᠪᠠᠯ ᠵᠦᠳᠡᠬᠦᠷᠢ ᠶᠢ ᠬᠠᠨᠲᠠᠯᠠ ᠪᠠᠨ ᠠᠮᠰᠠᠵᠠᠢ᠃ ᠬᠤᠶᠠᠳᠣᠭᠠᠷ ᠪᠡᠷᠭᠡᠨ ᠮᠢᠨᠢ ᠬᠦᠮᠦᠰ ᠲᠤ | ᠭᠡᠵᠢᠶᠡᠳᠡ ᠦᠨᠡᠨᠴᠢ ᠬᠠᠯᠠᠭᠤᠮᠰᠤᠭ᠂ ᠠᠳᠠᠯ ᠶᠠᠪᠣᠳᠠᠯ ᠳᠤ ᠬᠢᠨᠠᠭᠤᠷ ᠭᠢᠴᠢᠶᠡᠩᠭᠦᠢ᠂ ᠠᠶᠢᠯ ᠵᠠᠭᠤᠷᠠ ᠪᠠᠨ ᠡᠶᠡ ᠨᠠᠶᠢᠷᠰᠠᠭ ᠰᠠᠶᠢᠬᠠᠨ ᠵᠠᠩ ᠲᠠᠢ ᠪᠠᠶᠢᠳᠠᠭ ᠶᠣᠮ᠃ | ᠡᠵᠢ ᠴᠢᠨᠢ ᠬᠦᠴᠢᠷ ᠠᠴᠠ ᠠᠶᠣᠬᠤ ᠦᠭᠡᠢ ᠬᠦᠳᠡᠯᠮᠦᠷᠢ ᠳᠤ ᠲᠤᠷᠠᠳᠠᠢ ᠬᠦᠮᠦᠨ ᠶᠣᠮ ᠃ ᠲᠦᠴᠢ ᠢᠯᠡᠬᠦᠦ ᠵᠢᠯ ᠤᠨ ᠲᠣᠷᠰᠢ᠂ ᠮᠠᠨ ᠤ ᠡᠨᠡ ᠶᠡᠭᠡ ᠭᠡᠷ ᠪᠦᠯᠢ | ᠶᠢᠨ ᠡᠶᠡ ᠨᠠᠶᠢᠷ ᠪᠣᠯᠣᠨ ᠦᠷᠨᠢᠯ ᠪᠠᠳᠠᠷᠡᠯ ᠤᠨ ᠲᠦᠯᠦᠭᠡ ᠦᠯ ᠬᠤᠭᠤᠯᠨ ᠦᠭᠡᠢ ᠲᠡᠮᠡᠣᠯᠣᠨ ᠵᠢᠳᠭᠦᠵᠤ᠂ ᠨᠢᠭᠡ ᠴᠠᠭ ᠴᠦ ᠴᠠᠳᠳᠣᠯᠠ ᠢᠳᠡᠭᠰᠡᠨ ᠦᠭᠡᠢ᠂ | ᠨᠢᠭᠡ ᠦᠳᠡᠰᠢ ᠴᠦ ᠬᠠᠨᠲᠠᠯᠠ ᠣᠨᠳᠠᠭᠰᠠᠨ ᠦᠬᠡᠢ᠂ ᠨᠢᠭᠡ ᠵᠠᠬᠠ ᠴᠦ ᠰᠠᠶᠢᠨ ᠢ ᠡᠮᠣᠰᠣᠭ᠍ᠰᠡᠨ ᠦᠭᠡᠢ ᠶᠣᠮ᠃ ᠮᠠᠨ ᠤ ᠡᠨᠡ ᠭᠡᠷ ᠤᠨ ᠢᠶᠠᠨ ᠲᠦᠯᠦᠭᠡ ᠶᠠᠮᠠᠷ ᠴᠦ | ᠶᠡᠭᠡ ᠬᠦᠴᠢᠷ ᠢ ᠴᠦᠮ ᠠᠮᠰᠠᠵᠣ᠂ ᠶᠠᠮᠠᠷ ᠴᠦ ᠬᠠᠳᠠᠭᠤ ᠦᠭᠡ ᠶᠢ ᠴᠦᠮ ᠰᠣᠨᠣᠰᠴᠠᠢ᠃ ᠡᠵᠢ ᠶᠢᠨ ᠴᠢᠨᠢ ᠡᠳᠡᠭᠡᠷ ᠰᠠᠶᠢᠬᠠᠨ ᠨᠠᠨᠳᠢᠨ ᠵᠠᠩ ᠰᠤᠷᠳᠠᠯ ᠨᠢ ᠪᠢᠳᠡᠨ | ᠤ ᠪᠦᠬᠦ ᠭᠡᠷ ᠤᠨ ᠬᠦᠮᠦᠰ ᠤᠨ ᠭᠡᠵᠢᠶᠡᠳᠡ ᠲᠠᠭᠠᠨ ᠰᠤᠷᠤᠯᠴᠠᠭᠤᠰᠢᠳᠠᠢ ᠦᠯᠢᠭᠡᠷ ᠲᠠᠭᠤᠷᠢᠶᠡᠯ ᠪᠣᠯᠤᠨᠡ ᠰᠢᠣ᠃ ᠶᠠᠭ ᠣᠴᠢᠷ ᠡᠶᠢᠮᠣ ᠶᠢᠨ ᠲᠣᠯᠠᠳᠠ᠂ ᠪᠢᠳᠡ | ᠪᠦᠬᠦᠳᠡᠭᠡᠷ ᠦᠨᠢᠳᠡ ᠲᠣᠷᠠᠰᠣᠨ ᠰᠠᠨᠠᠭᠠᠯᠵᠠᠵᠣ ᠶᠠᠪᠣᠬᠤ ᠶᠣᠰᠣᠳᠠᠢ ᠶᠣᠮ᠃ | ᠠᠴᠢᠯᠠᠯ ᠬᠦᠨᠳᠣᠳᠠᠢ ᠬᠤᠶᠠᠳᠣᠭᠠᠷ ᠪᠡᠷᠭᠡᠨ ᠢᠶᠠᠨ ᠲᠣᠶᠢᠯ ᠢᠶᠠᠷ ᠡᠮᠭᠡᠨᠢᠨ ᠭᠠᠰᠢᠭᠤᠳᠠᠵᠣ ᠪᠠᠶᠢᠨᠠ︕ | ᠡᠵᠢ ᠮᠢᠨᠢ ᠠᠮᠢᠳᠤ ᠰᠡᠷᠡᠬᠦᠨ ᠪᠠᠶᠢᠬᠤ ᠳᠠᠭᠠᠨ ᠨᠠᠮᠠᠢᠢ ᠳᠤ ︽ᠬᠤᠶᠠᠳᠣᠭᠠᠷ ᠪᠡᠷᠭᠡᠨ ᠢᠶᠠᠨ ᠪᠣᠣ ᠮᠠᠷᠳᠠ ᠰᠢᠣ︕︾ ᠭᠡᠮᠡᠨ ᠭᠡᠳᠤᠨᠳᠡ ᠵᠠᠬᠢᠵᠤ | ᠰᠤᠷᠭᠠᠭᠰᠠᠨ ᠶᠣᠮ᠃ ᠭᠡᠳᠡᠯᠠ ᠡᠳᠡᠭᠡᠷ ᠵᠢᠯ ᠤᠳ ᠲᠤ᠂ ᠪᠢ ᠬᠤᠶᠠᠳᠣᠭᠠᠷ ᠪᠡᠷᠭᠡᠨ ᠳᠡᠭᠡᠨ ᠨᠢᠭᠡ ᠵᠢᠭᠠᠬᠠᠨ ᠴᠦ ᠠᠴᠢ ᠬᠠᠷᠢᠭᠤᠯᠳᠡ ᠬᠦᠷᠭᠡᠭᠰᠡᠨ ᠦᠬᠡᠢ᠂ | ᠲᠠᠯᠠᠷᠬᠠᠵᠤ ᠬᠦᠨᠳᠦᠯᠡᠭᠦ ᠨᠢᠭᠡ ᠦᠭᠡ ᠴᠦ ᠭᠡᠯᠡᠭᠰᠡᠨ ᠦᠭᠡᠢ ᠶᠣᠮ᠂ ᠬᠤᠶᠠᠳᠣᠭᠠᠷ ᠪᠡᠷᠭᠡᠨ ᠳᠡᠭᠡᠨ ᠲᠠᠩᠴᠢ ᠣᠰᠣᠯᠳᠠᠵᠣ ᠶᠠᠪᠣᠵᠠᠢ᠃ ᠠᠴᠢᠳᠣ ᠪᠡᠷᠭᠡᠨ ᠮᠢᠨᠢ | ᠶᠢᠰᠣᠨ ᠪᠣᠯᠠᠭ ᠤᠨ ᠲᠣᠣᠷᠡ ᠪᠠᠨ ᠬᠦᠷᠦᠭᠡᠳ ᠮᠠᠭᠤ ᠲᠡᠭᠦᠦ ᠶᠢᠨ ᠢᠶᠠᠨ ᠣᠰᠣᠯ ᠴᠠᠯᠠᠭᠠᠶᠢᠷᠠᠯ ᠢ ᠠᠭᠤᠴᠢᠯᠡᠵᠤ ᠪᠠᠶᠢᠭᠠᠴᠢ ᠳ᠋ᠠ︕ | ᠠᠴᠢ ᠬᠦᠪᠡᠭᠦᠨ ᠮᠢᠨᠢ ᠡ᠂ ᠡᠳᠦᠭᠡ ᠠᠪᠤ ᠴᠢᠨᠢ ᠵᠢᠴᠢ ᠲᠠ ᠪᠦᠬᠦᠳᠡ ᠶᠢᠨ ᠢᠶᠠᠨ ᠭᠠᠰᠢᠭᠤᠳᠠᠯ ᠭᠡᠩᠰᠡᠷᠡᠯ ᠳᠤ ᠣᠨᠠᠭᠠᠳ ᠵᠣᠪᠠᠨ ᠪᠡᠭᠲᠡᠷᠡᠵᠦ ᠪᠠᠶᠢᠭᠠ ᠶᠢ | ᠠᠪᠠᠭᠠ ᠨᠢ ᠪᠢ ᠰᠠᠨᠠᠭᠠ ᠪᠣᠳᠣᠯ ᠳᠠᠭᠠᠨ ᠲᠣᠪ ᠲᠣᠳᠣ ᠮᠡᠳᠡᠷᠡᠨ ᠦᠢᠯᠠᠭᠠᠵᠤ ᠪᠠᠶᠢᠨᠠ᠃ ᠡᠷᠦᠭᠡ ᠭᠡᠷ ᠤᠨ ᠲᠣᠳᠣᠨᠣ ᠬᠦᠮᠦᠨ ᠠᠴᠠ ᠪᠠᠨ ᠰᠠᠯᠵᠤ ᠬᠠᠭᠠᠴᠠᠨᠠ | ᠭᠡᠭᠴᠢ ᠨᠦᠰᠡᠷ ᠬᠦᠨᠳᠣ ᠭᠤᠨᠢᠭ ᠲᠤ ᠣᠨᠠᠬᠤ ᠨᠢ ᠶᠠᠷᠢᠶᠠᠨ ᠦᠬᠡᠢ᠂ ᠭᠡᠪᠡᠴᠤ ᠲᠠᠨᠠᠷ ᠢᠶᠠᠨ ᠶᠠᠭᠠᠭᠢᠭᠰᠠᠨ ᠴᠦ ᠬᠠᠲᠠᠭᠤᠵᠢᠨ ᠲᠡᠰᠪᠦᠷᠢᠯᠡᠬᠦ ᠭᠡᠷᠡᠭᠳᠡᠢ ᠰᠢᠣ ᠭᠡᠵᠤ | ᠬᠦᠰᠡᠨ ᠰᠠᠨᠠᠵᠤ ᠪᠠᠶᠢᠨᠠ᠃ ᠲᠠᠨᠠᠷ ᠠᠮᠢᠳᠣᠷᠡᠯ ᠢᠶᠠᠨ ᠰᠠᠶᠢᠳᠣᠷ ᠲᠦᠪᠬᠢᠨᠡᠬᠦᠯᠵᠤ᠂ ᠦᠢᠯᠡᠳᠪᠦᠷᠢᠯᠡᠯ ᠢᠶᠠᠨ ᠰᠠᠶᠢᠳᠣᠷ ᠠᠳᠬᠤᠵᠤ᠂ ᠡᠷᠬᠢᠯᠡᠭᠰᠡᠨ ᠠᠵᠢᠯ ᠢᠶᠠᠨ | ᠰᠠᠶᠢᠳᠣᠷ ᠬᠢᠬᠦ ᠭᠡᠷᠡᠭᠳᠡᠢ ᠰᠢᠣ᠃ ᠢᠯᠠᠩᠭᠤᠶᠠ ᠠᠪᠤ ᠴᠢᠨᠢ ᠪᠡᠶᠡ ᠪᠠᠨ ᠢᠯᠡᠬᠦᠦ ᠬᠢᠴᠢᠶᠠᠨ ᠭᠠᠮᠨᠠᠵᠤ ᠠᠵᠢᠯ ᠬᠦᠳᠡᠯᠮᠦᠷᠢ ᠶᠢ ᠪᠡᠶᠡ ᠶᠢᠨ ᠲᠠᠭᠠ ᠪᠠᠷ ᠢᠶᠠᠨ ᠪᠠᠭᠠ | ᠬᠢᠵᠤ᠂ ᠠᠷᠢᠬᠢ ᠶᠢ ᠭᠡᠮᠵᠢᠶᠡ ᠲᠠᠢ ᠵᠢᠭᠠᠬᠠᠨ ᠣᠣᠭᠤᠭᠠᠴᠢ ᠳ᠋ᠠ᠃ ᠦᠶᠡ ᠶᠢᠨ ᠬᠦᠮᠦᠰ ᠲᠠᠢ ᠪᠠᠨ ᠢᠯᠡᠬᠦᠭᠡᠨ ᠣᠴᠠᠷᠠᠨ ᠵᠣᠭᠤᠭᠳᠠᠵᠤ ᠭᠠᠭᠴᠠᠭᠠᠷ ᠢᠶᠠᠨ ᠪᠢᠳᠡᠭᠡᠢ | ᠬᠤᠷᠢᠭᠳᠠᠵᠣ ᠰᠠᠭᠤᠭᠠᠷᠠᠢ︕ ᠡᠳᠡᠭᠡᠷ ᠪᠣᠯ ᠮᠢᠨᠣ ᠲᠠᠨᠠᠷ ᠲᠠᠭᠠᠨ ᠰᠠᠨᠠᠭᠤᠯᠵᠣ ᠨᠠᠶᠢᠳᠠᠬᠤ ᠵᠦᠢᠯ ᠪᠣᠯᠣᠨᠠ᠃ | ᠪᠢᠳᠡ ᠠᠳᠡ ᠪᠠᠨ ᠪᠦᠷ ᠰᠠᠶᠢᠬᠠᠨ ᠪᠣᠢ᠂ ᠭᠤᠷᠪᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠦᠷᠪᠡᠨ ᠳᠤ ᠵᠢᠶᠠᠨ ᠬᠤᠸᠠ ᠶᠢᠨ ᠬᠤᠷᠢᠮ ᠢ ᠬᠢᠵᠠᠢ᠃ ᠴᠠᠭ ᠠᠭᠤᠷ ᠤᠨ | ᠲᠣᠪᠴᠢᠶᠠ ᠳᠠᠭᠠᠨ ᠨᠢᠭᠡ ᠲᠠᠰᠣᠯᠭᠠ ᠪᠠᠶᠢᠷᠢ ᠣᠯᠵᠣ ᠲᠣᠯᠭᠠ ᠪᠠᠨ ᠪᠣᠰᠬᠠᠪᠠ᠃ | ᠡᠬᠦᠨ ᠤ ᠲᠣᠯᠨ | ᠢᠯᠡᠭᠡᠪᠡ | ᠠᠪᠠᠭᠠ ᠴᠢᠨᠢ ᠰᠠᠭᠰᠠᠭᠠᠷ | 1985 ᠣᠨ ᠤ 5 ᠰᠠᠷᠠ ᠶᠢᠨ 7 ᠤ ᠡᠳᠦᠷ | | ᠪᠦᠲᠦᠨ ᠳᠥᠴᠢᠨ ᠵᠢᠯ᠂ ᠪᠤᠷᠬᠠᠨ ᠲᠩᠷᠢ ᠳᠡᠭᠡᠨ ᠬᠠᠯᠢᠭᠰᠠᠨ ᠡᠨᠡᠷᠢᠯ ᠤᠨ ᠳᠠᠭᠢᠨᠢ ᠡᠵᠢ ᠮᠢᠨᠢ ᠬᠦᠦ ᠮᠢᠨᠤᠬᠢ ᠪᠠᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠤ ᠨᠠᠷᠠ ᠪᠣᠯᠣᠨ | ᠮᠥᠩᠬᠡᠵᠢᠵᠦ᠂ ᠠᠯᠠᠭᠠᠨ ᠳᠤ ᠳᠡᠯᠭᠡᠭᠳᠡᠵᠦ ᠠᠪᠳᠠᠷᠠ ᠳᠤ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠠᠪᠠᠭᠠ ᠶᠢᠨ ᠵᠠᠬᠢᠶᠠ ᠰᠢᠵᠢᠷ ᠠᠯᠲᠠᠨ ᠦᠰᠦᠭ ᠲᠠᠢ ᠬᠥᠰᠢᠶᠡ ᠪᠣᠯᠵᠤ | ᠰᠦᠨᠳᠡᠷᠯᠡᠪᠡ᠃ ᠮᠢᠨᠣ ᠠᠪᠠᠭᠠ ᠰᠢᠷᠠ ᠯᠤᠤ ᠵᠢᠯ ᠲᠠᠢ ᠶᠤᠮ᠂ ᠠᠷᠪᠠ ᠶᠣᠰᠣᠲᠠᠢ ᠳᠤ ᠪᠠᠨ ᠦᠪᠦᠷ ᠮᠣᠩᠭᠤᠯ ᠤᠨ ᠠᠷᠡᠳ ᠤᠨ ᠦᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠬᠤ | ᠮᠣᠷᠢᠳᠣ ᠴᠡᠷᠢᠭ ᠲᠤ ᠮᠣᠷᠳᠠᠵᠤ᠂ ᠲᠦᠷᠪᠡᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ ᠭᠤᠴᠢᠨ ᠲᠦᠷᠪᠡᠳᠦᠭᠡᠷ ᠬᠤᠷᠢᠶᠠ ᠳᠤ ᠪᠠᠶᠢᠯᠳᠣᠭᠴᠢ ᠪᠣᠯᠪᠠ᠃ ᠳᠠᠷᠠᠭᠠ ᠵᠢᠯ ᠨᠢ᠂ ᠦᠪᠦᠷ | ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠲᠡᠭᠡᠳᠣ ᠰᠣᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠬᠢᠳᠡᠳ ᠬᠤᠯᠪᠣᠭᠠᠳᠣ ᠴᠡᠷᠢᠭ ᠤᠨ ᠵᠢᠭᠠᠨ ᠵᠢᠯᠣᠭᠤᠳᠬᠤ ᠠᠩᠬᠢ ᠳᠤ ᠰᠣᠷᠣᠯᠴᠠᠵᠣ | ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠢᠷᠡᠭᠤ ᠠᠯᠳᠡᠷᠳᠠᠢ ᠪᠠᠷ ᠲᠣᠮᠳᠠᠳᠣ ᠣᠯᠣᠰ ᠤᠨ ᠡᠪ ᠬᠠᠮᠳᠣ ᠨᠠᠮ ᠳᠤ ᠡᠯᠰᠡᠭᠳᠡᠪᠡ᠃ ᠨᠤᠲᠤᠭ ᠤᠨ ᠳᠡᠭᠡᠷᠡᠮ᠂ ᠭᠤᠮᠢᠨᠳᠠᠩ ᠤᠨ | ᠦᠯᠡᠳᠡᠭᠳᠡᠯ ᠢ ᠤᠰᠠᠳᠬᠠᠬᠤ ᠲᠡᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠣᠯᠠᠨᠲᠠ ᠣᠷᠣᠯᠴᠠᠵᠤ ᠭᠠᠪᠢᠶᠠ ᠪᠠᠶᠢᠭᠤᠯᠤᠨ᠂ ᠤᠷᠢᠳ ᠬᠤᠵᠢᠳ ᠲᠠᠰᠤᠭ ᠤᠨ ᠲᠠᠷᠤᠭᠠ᠂ ᠰᠠᠯᠠᠭᠠᠨ | ᠳᠠᠷᠤᠭᠠ᠂ ᠲᠡᠳ᠋ ᠰᠣᠮᠣᠨ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠳᠤ ᠳᠠᠪᠰᠢᠵᠤ ᠂ ᠪᠥᠬᠦ ᠤᠯᠤᠰ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ᠂ ᠡᠮᠦᠨᠡ ᠬᠤᠶᠢᠨᠠ ᠬᠢᠩᠭᠠᠨ ᠴᠡᠷᠢᠭ ᠤᠨ | ᠬᠤᠪᠢᠶᠠᠷᠢ ᠲᠣᠭᠤᠷᠢᠭ ᠤᠨ ᠲᠣᠰᠠᠭᠠᠷ ᠬᠤᠷᠢᠶᠠ ᠳᠤ ᠰᠠᠯᠠᠭᠠᠨ ᠲᠠᠷᠤᠭᠠ ᠶᠢᠨ ᠲᠣᠰᠢᠶᠠᠯ ᠢ ᠬᠠᠷᠢᠭᠤᠴᠠᠨ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠣᠨ ᠲᠣᠮᠳᠠᠳᠣ ᠬᠤᠰᠢᠭᠤᠨ ᠤ | ᠠᠷᠠᠳ ᠤᠨ ᠵᠡᠪᠰᠡᠭᠳᠣ ᠬᠦᠴᠦᠨ ᠤ ᠬᠡᠯᠳᠡᠰ ᠲᠤ ᠠᠵᠢᠯᠯᠠᠭᠴᠢ᠂ ᠰᠠᠯᠠᠭᠠᠨ ᠲᠠᠷᠤᠭᠠ ᠶᠢᠨ ᠲᠣᠰᠢᠶᠠᠯ ᠢ ᠡᠭᠦᠷᠭᠡᠯᠡᠵᠦ᠂ ᠲᠠᠪᠢᠭᠠᠳ ᠣᠨ ᠤ ᠰᠡᠭᠦᠯᠴᠢ ᠪᠠᠷ | ᠥᠪᠥᠷ ᠮᠣᠩᠭᠤᠯ ᠤᠨ ᠴᠡᠷᠢᠭ ᠤᠨ ᠲᠣᠭᠤᠷᠢᠭ ᠤᠨ ᠵᠢᠷᠢᠮ ᠴᠡᠷᠢᠭ ᠤᠨ ᠬᠤᠪᠢᠶᠠᠷᠢ ᠲᠣᠭᠤᠷᠢᠭ ᠤᠨ ᠠᠮᠣᠷ ᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠ ᠂ ᠣᠯᠣᠰ ᠲᠦᠷᠦ ᠶᠢᠨ | ᠬᠡᠯᠳᠡᠰ ᠤᠨ ᠠᠵᠢᠯᠯᠠᠭᠴᠢ᠂ ᠲᠡᠳ᠋ ᠰᠠᠯᠠᠭᠠᠨ ᠲᠠᠷᠤᠭᠠ᠂ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠰᠠᠯᠠᠭᠠ ᠶᠢᠨ ᠰᠠᠯᠠᠭᠠᠨ ᠲᠠᠷᠤᠭᠠ ᠶᠢᠨ ᠲᠣᠰᠢᠶᠠᠯ ᠢ ᠬᠠᠷᠢᠭᠤᠴᠠᠪᠠ᠃ ᠠᠪᠠᠭᠠ | ᠴᠡᠷᠢᠭ ᠲᠤ ᠣᠷᠣᠭᠰᠠᠨ ᠤ ᠪᠠᠨ ᠳᠠᠷᠠᠭᠠ ᠵᠢᠯ ᠨᠢ ᠬᠤᠷᠢᠮᠯᠠᠵᠤ᠂ ᠠᠷᠪᠠᠨ ᠵᠢᠯ ᠤᠨ ᠬᠢᠨᠢ ᠳᠠᠷᠠᠭᠠ᠂ ᠠᠪᠠᠭᠠ ᠡᠵᠢ ᠶᠢ ᠪᠣᠯᠣᠨ ᠶᠡᠭᠡ ᠬᠦᠦ ᠪᠠᠨ ᠡᠪᠦᠭᠡ | ᠡᠮᠡᠭᠡ ᠶᠢᠨ ᠳᠡᠷᠭᠡᠲᠡ ᠠᠴᠠ ᠲᠦᠩᠯᠢᠶᠣᠣ ᠳᠤ ᠲᠣᠰᠣᠨ ᠠᠪᠠᠴᠢᠵᠤ ᠥᠪᠡᠷ ᠢᠶᠠᠨ ᠲᠣᠭᠲᠠᠭᠰᠠᠨ ᠭᠡᠷ ᠣᠷᠣᠨ ᠲᠠᠢ ᠪᠣᠯᠵᠤ ᠰᠠᠭᠤᠷᠢᠰᠢᠵᠠᠢ᠃ ᠳᠦᠷᠡᠯᠵᠡᠵᠦ | ᠨᠣᠴᠣᠭᠰᠠᠨ ᠳᠥᠴᠢ ᠶᠢ ᠰᠠᠶ᠋ᠢᠬᠠᠨ ᠭᠠᠷᠴᠤ ᠳᠤᠬᠠᠶᠢᠯᠠᠭᠰᠨ ᠠᠵᠢᠯ ᠳᠠᠭᠠᠨ ᠴᠠᠭᠠᠷᠠᠵᠤ᠂ ᠴᠡᠷᠢᠭ ᠤᠨ ᠬᠤᠸᠠᠷᠠᠨ ᠳᠠᠭᠠᠨ ᠭᠢᠯᠠᠷᠠᠭᠤᠯᠵᠤ ᠪᠠᠶᠢᠭᠰᠠᠨ ᠰᠢᠵᠢᠷ | ᠰᠠᠶᠢᠬᠠᠨ ᠨᠠᠰᠤᠨ ᠳᠠᠭᠠᠨ ᠬᠥᠷᠥᠭᠡᠳ᠂ ᠮᠢᠨᠤ ᠠᠪᠠᠭᠠ ᠠᠲᠠᠭᠠ ᠵᠢᠲᠥᠭᠡ ᠮᠠᠭᠤ ᠰᠠᠨᠠᠭᠠ ᠲᠠᠢ ᠬᠥᠮᠥᠰ ᠤᠨ ᠬᠤᠣᠷᠯᠠᠯ ᠳᠤ ᠤᠴᠠᠷᠠᠵᠤ ᠬᠢᠯᠢᠰ ᠭᠦᠵᠢᠷ ᠨᠡᠷᠡ | ᠵᠡᠬᠦᠵᠣ᠂ ᠲᠣᠰᠠᠭᠠᠷᠯᠠᠨ ᠬᠤᠷᠢᠭᠳᠠᠵᠣ ᠴᠣᠬᠢᠵᠣ ᠡᠷᠡᠬᠦᠦ ᠲᠣᠯᠭᠠᠬᠤ ᠬᠠᠯᠨ ᠲᠠᠮᠣ ᠠᠮᠰᠠᠵᠣ᠂ ᠵᠡᠬᠦᠨ ᠭᠠᠷ ᠢᠶᠠᠨ ᠬᠤᠭᠤ ᠮᠣᠰᠬᠢᠭᠤᠯᠵᠣ ᠵᠡᠮᠳᠡᠭ ᠪᠣᠯᠪᠠ᠃ ᠬᠠᠷᠠ | ᠬᠤᠯᠤᠭᠠᠨᠠ ᠵᠢᠯ ︵1972 ᠣᠨ︶ ᠤᠨ ᠵᠣᠨ᠂ ᠠᠪᠠᠭᠠ ᠮᠢᠨᠢ ᠦᠨᠡᠨ ᠵᠥᠪ ᠢᠶᠠᠨ ᠣᠯᠵᠤ ᠴᠢᠯᠦᠭᠡᠯᠡᠭᠳᠡᠨ᠂ ᠠᠵᠢᠯ ᠢᠶᠠᠨ ᠰᠡᠷᠭᠦᠭᠡᠭᠡᠳ ᠠᠷᠤ ᠭᠡᠷ ᠲᠡᠭᠡᠨ | ᠢᠷᠡᠵᠦ᠂ ᠡᠪᠦᠭᠡ ᠡᠮᠡᠭᠡ ᠪᠢᠳᠠᠨ ᠲᠠᠢ ᠬᠠᠮᠲᠤ ᠰᠠᠷᠠ ᠰᠢᠬᠠᠮ ᠪᠡᠶᠡ ᠰᠤᠪᠢᠯᠠᠨ ᠰᠠᠭᠤᠵᠤ᠂ ᠳᠠᠬᠢᠷ ᠪᠣᠯᠣᠭᠰᠠᠨ ᠭᠠᠷ ᠢᠶᠠᠨ ᠵᠠᠰᠠᠭᠤᠯᠵᠤ ᠪᠠᠶᠢᠭᠰᠠᠨ ᠢ ᠨᠢ | ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ ᠠᠪᠤ ᠬᠤᠯᠠ ᠶᠢᠨ ᠨᠠᠷᠠᠲᠠᠢ ᠪᠠᠷᠢᠶᠠᠴᠢ ᠶᠢ ᠦᠬᠡᠷ ᠲᠡᠷᠭᠡ ᠪᠠᠷ ᠢᠶᠠᠨ ᠵᠠᠯᠠᠵᠤ ᠠᠪᠴᠢᠷᠠᠨ ᠠᠪᠠᠭᠠ ᠶᠢᠨ ᠭᠠᠷ ᠢ ᠪᠠᠷᠢᠭᠤᠯᠤᠨ ᠬᠤᠨᠢ ᠵᠠᠷᠤᠵᠤ | ᠰᠡᠪᠰᠡᠯᠭᠡ ᠵᠠᠰᠠᠯ ᠬᠢᠯᠭᠡᠪᠡ᠃ ᠨᠢᠭᠡᠨ ᠦᠶᠡ ᠬᠥᠯ ᠨᠢᠷᠤᠭᠤ ᠨᠢ ᠡᠪᠡᠳᠴᠦ ᠦᠨᠢᠶᠡ ᠰᠠᠭᠠᠬᠤ ᠳᠠᠭᠠᠨ ᠴᠤ ᠬᠦᠴᠢᠷᠳᠡᠬᠦ ᠪᠣᠯᠵᠤ᠂ ᠨᠠᠰᠤᠨ ᠠᠴᠠ ᠪᠠᠨ ᠡᠷᠲᠡ | ᠪᠤᠭᠤᠷᠤᠯᠲᠤᠵᠤ ᠮᠠᠶᠢᠵᠢᠭᠢ ᠪᠣᠯᠣᠭᠰᠠᠨ ᠡᠵᠢ ᠮᠢᠨᠢ ᠭᠠᠯ ᠲᠣᠭᠤᠭᠠ᠂ ᠭᠡᠶᠢᠴᠢᠨ ᠵᠣᠴᠢᠨ ᠭᠡᠳ ᠬᠥᠯᠥᠰᠦ ᠪᠠᠨ ᠤᠷᠤᠰᠬᠠᠨ ᠭᠦᠶᠦᠵᠦ᠂ ᠳᠡᠭᠦᠦ ᠶᠢᠨ ᠢᠶᠠᠨ | ᠢᠳᠡᠰᠢ ᠤᠤᠭᠤᠰᠢ ᠶᠢ ᠨᠢ ᠠᠰᠲᠠᠭᠠᠨ ᠪᠠᠵᠠᠭᠠᠵᠤ ᠂ ᠡᠮ ᠲᠠᠩ ᠢ ᠨᠢ ᠴᠢᠨᠠᠵᠤ ᠥᠭᠭᠦᠨ᠂ ᠬᠤᠪᠴᠠᠰᠤ ᠬᠤᠨᠠᠷ ᠢ ᠨᠢ ᠣᠭᠢᠶᠠᠵᠣ ᠴᠡᠪᠡᠷᠯᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ | ᠬᠡᠳᠦᠨ ᠤᠳᠠᠭᠠ ᠶᠢᠨ ᠠᠪᠠᠭᠠ ᠶᠢᠨ ᠪᠠᠷᠢᠶᠠ ᠵᠠᠰᠠᠯ ᠶᠡᠬᠡᠯᠡ ᠲᠣᠬᠢᠷᠠᠵᠤ ᠵᠡᠭᠦᠨ ᠲᠣᠬᠤᠢ ᠨᠢ ᠨᠡᠯᠢᠶᠡᠳ ᠮᠤᠷᠤᠶᠢᠵᠤ ᠵᠢᠭᠢᠵᠣ ᠪᠣᠯᠬᠤ ᠪᠣᠯᠵᠤ ᠪᠤᠳᠠᠭᠠᠨ | ᠠᠶᠠᠭᠠ ᠪᠠᠨ ᠪᠠᠷᠢᠵᠤ ᠳᠡᠶᠢᠯᠬᠦ ᠪᠣᠯᠣᠭᠠᠳ ᠴᠡᠷᠢᠭ ᠠᠩᠬᠢ ᠳᠠᠭᠠᠨ ᠪᠤᠴᠠᠭᠰᠠᠨ ᠶᠤᠮ᠃ 1982 ᠤᠨ ᠳᠤ᠂ ᠵᠢᠩᠬᠢᠨᠢ ᠬᠤᠷᠢᠶᠠᠨ ᠲᠡᠰ ᠤᠨ ᠲᠣᠰᠢᠶᠠᠯ ᠤᠨ | ᠬᠦᠷᠲᠡᠭᠡᠮᠵᠢ ᠲᠠᠢ ᠴᠡᠷᠢᠭ ᠠᠴᠠ ᠪᠠᠨ ᠲᠠᠷᠬᠠᠯᠠᠭᠳᠠᠨ ᠠᠮᠠᠷᠠᠯᠳᠠ ᠠᠪᠴᠣ᠂ ᠳᠥᠷᠪᠡᠨ ᠬᠦᠦ ᠬᠡᠣᠬᠡᠨ ᠢᠶᠠᠨ ᠪᠦᠷ ᠠᠶᠢᠯ ᠭᠡᠷ ᠪᠣᠯᠭᠠᠵᠦ ᠦᠷᠡ ᠶᠢᠨ ᠢᠶᠠᠨ ᠦᠷᠡ ᠶᠢ | ᠦᠵᠡᠨ᠂ ᠦᠳᠡᠯᠦᠬᠡ ᠨᠠᠰᠣᠨ ᠤ ᠵᠣᠯ ᠵᠢᠷᠭᠠᠯ ᠢᠶᠠᠨ ᠡᠳ᠋ᠯᠡᠪᠡ᠃ ︽ᠠᠪᠤ ᠪᠠᠨ ᠰᠠᠨᠠᠪᠠᠯ ᠠᠪᠠᠭᠠ ᠪᠠᠨ︾ ᠭᠡᠳᠡᠭᠴᠢᠯᠡᠨ᠂ ᠵᠢᠢ— ᠲᠦᠩ ᠲᠡᠮᠦᠷ ᠵᠠᠮ | ᠨᠡᠪᠲᠡᠷᠡᠭᠰᠡᠨ ᠠᠴᠠ ᠰᠡᠭᠦᠯᠡᠷ᠂ ᠪᠢ ᠵᠢᠯ ᠪᠣᠯᠭᠠᠨ ᠨᠢᠭᠡ ᠬᠤᠶᠠᠷ ᠤᠳᠠᠭᠠ ᠲᠦᠩᠯᠢᠶᠣᠣ ᠳᠤ ᠬᠦᠷᠴᠦ ᠠᠪᠠᠭᠠ ᠪᠠᠨ ᠡᠷᠭᠢᠵᠦ ᠦᠵᠡᠳᠡᠭ ᠶᠤᠮ᠃ ᠨᠤᠲᠤᠭ ᠤᠰᠤ | ᠠᠶᠢᠯ ᠭᠡᠷ ᠰᠠᠳᠤᠨ ᠲᠥᠷᠥᠯ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠵᠣᠭᠤᠭ ᠳᠡᠯᠭᠡᠬᠦ ᠳᠤ ᠠᠪᠠᠭᠠ ᠶᠢᠨ ᠮᠢᠨᠢ ᠣᠮᠣᠭᠰᠢᠨ ᠪᠠᠶᠠᠰᠴᠦ ᠬᠡᠯᠡᠳᠡᠭ ᠦᠭᠡ ᠶᠢᠨ ᠳᠤᠮᠳᠠ ᠨᠢ ︽ | ᠡᠴᠢᠨᠡᠨ ᠵᠢᠯ ᠤᠨ ᠲᠤᠷᠰᠢ᠂ ᠮᠢᠨᠤ ᠠᠷᠤ ᠭᠡᠷ ᠠᠪᠤ ᠡᠵᠢ ᠶᠢ ᠣᠷᠬᠢᠵᠤ ᠰᠠᠨᠠᠭᠠ ᠠᠮᠤᠷ ᠠᠵᠢᠯᠯᠠᠨ ᠵᠢᠳᠭᠦᠵᠣ ᠠᠵᠤ ᠲᠥᠷᠥᠵᠦ ᠢᠷᠡᠭᠰᠡᠨ ᠤ ᠰᠠᠶᠢᠨ ᠨᠢ ᠪᠦᠷ ᠴᠤ | ᠠᠬᠠ ᠪᠡᠷᠭᠡᠨ ᠤ ᠠᠴᠢ ᠶᠤᠮ ᠰᠢᠤ︕︾ ᠭᠡᠵᠦ ᠶᠠᠷᠢᠳᠠᠭ ᠨᠢ ᠵᠥᠩᠳᠡᠭᠡᠨ᠃ ᠶᠢᠰᠦᠨ ᠵᠢᠯ ᠤᠨ ᠡᠮᠦᠨᠡᠬᠢ ᠬᠠᠩᠰᠢ ᠶᠢᠨ ᠳᠠᠷᠠᠭᠠᠬᠠᠨ᠂ ᠡᠬᠡ ᠣᠷᠣᠨ ᠤ ᠪᠠᠨ | ᠴᠢᠯᠦᠭᠡᠯᠡᠯᠲᠡ ᠪᠣᠯᠣᠨ ᠴᠡᠴᠡᠭᠯᠡᠨ ᠬᠥᠭᠵᠢᠯᠲᠡ ᠶᠢᠨ ᠲᠥᠯᠥᠭᠡ ᠠᠮᠢ ᠪᠡᠶᠡ ᠪᠠᠨ ᠴᠦᠯᠡᠨ ᠪᠠᠶᠢᠯᠳᠤᠨ ᠲᠡᠮᠡᠴᠡᠵᠦ᠂ ᠢᠮᠠᠭᠲᠠ ᠨᠠᠮ ᠲᠥᠷᠥ᠂ ᠠᠷᠠᠳ ᠲᠦᠮᠡᠨ ᠢᠶᠠᠨ | ᠭᠡᠰᠡᠨ ᠦᠨᠡᠨᠴᠢ ᠰᠢᠳᠤᠷᠭᠤ ᠴᠣᠬᠢᠯᠠᠵᠤ ᠶᠠᠪᠤᠭᠰᠠᠨ ᠮᠢᠨᠤ ᠬᠦᠨᠳᠦᠲᠦ ᠬᠠᠶᠢᠷᠠᠲᠤ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠠᠪᠠᠭᠠ ᠶᠢᠨ ᠮᠢᠨᠢ ᠤᠯᠠᠭᠠᠨ ᠵᠢᠷᠦᠬᠡ ᠨᠢ ᠥᠨᠢᠳᠡ | ᠵᠣᠭᠰᠣᠵᠤ᠂ ᠦᠷᠡ ᠬᠡᠣᠬᠡᠳ ᠪᠢᠳᠡᠨ ᠳᠡᠭᠡᠨ ᠡᠭᠦᠷᠢᠳᠡ ᠶᠢᠨ ᠭᠤᠨᠢᠭ ᠮᠥᠷᠥᠭᠡᠳᠦᠯ ᠢ ᠦᠯᠡᠳᠡᠭᠡᠵᠦ ᠲᠦᠩᠯᠢᠶᠣᠣ ᠬᠤᠲᠠᠨᠠ ᠨᠠᠶᠠ ᠶᠢᠰᠦᠲᠡᠢ ᠨᠠᠰᠤ ᠪᠠᠷᠠᠪᠠ᠃ | | | | | ᠠᠯᠠᠭ ᠮᠢᠬᠠᠨ ᠤ ᠲᠠᠰᠤᠷᠬᠠᠢ ᠠᠯᠲᠠᠨ ᠶᠠᠰᠤᠨ ᠤ ᠬᠡᠯᠲᠡᠷᠬᠡᠢ ᠦᠷᠡ ᠨᠢ ᠪᠣᠯᠣᠭᠰᠠᠨ ᠨᠠᠳᠠ ᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠳᠥᠴᠢᠨ ᠵᠢᠯ ᠤᠨ ᠡᠮᠦᠨᠡᠬᠢ | ᠠᠪᠠᠭᠠ ᠶᠢᠨ ᠮᠢᠨᠢ ᠵᠠᠬᠢᠶᠠ ᠡᠩ ᠤᠨ ᠨᠢᠭᠡᠨ ᠵᠠᠬᠢᠳᠠᠯ ᠯᠠ ᠪᠢᠰᠢ᠂ ᠬᠠᠷᠢᠨ ᠡᠩᠭᠡᠷ ᠳᠦᠭᠦᠷᠡᠩ ᠭᠠᠪᠢᠶᠠᠨ ᠲᠡᠮᠳᠡᠭ ᠲᠠᠢ ᠠᠪᠠᠭᠠ ᠠᠪᠤ ᠠᠴᠠ ᠡᠵᠢ ᠳᠤ ᠮᠢᠨᠢ | ᠱᠠᠩᠨᠠᠭᠰᠠᠨ ᠬᠠᠮᠤᠭ ᠤᠨ ᠬᠦᠨᠳᠦ᠂ ᠬᠠᠮᠤᠭ ᠤᠨ ᠨᠠᠨᠳᠢᠨ ᠭᠠᠪᠢᠶᠠᠨ ᠪᠢᠴᠢᠭ ᠶᠤᠮ︔ ᠠᠪᠠᠭᠠ ᠶᠢᠨ ᠮᠢᠨᠢ ᠵᠠᠬᠢᠶᠠ ᠡᠩ ᠤᠨ ᠨᠢᠭᠡᠨ ᠵᠠᠬᠢᠳᠠᠯ ᠯᠠ ᠪᠢᠰᠢ᠂ ᠬᠠᠷᠢᠨ | ᠠᠴᠢᠯᠠᠯ ᠳᠡᠭᠦᠴᠢᠯᠡᠯ ᠤᠨ ᠶᠣᠰᠣᠨ ᠢ ᠡᠷᠬᠢᠮᠯᠡᠳᠡᠭ ᠮᠠᠨ ᠤ ᠲᠣᠮᠣ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠤ ᠮᠢᠨᠤ ᠠᠪᠠᠭᠠ ᠠᠪᠤ ᠠᠴᠠ ᠥᠪᠡᠷ ᠤᠨ ᠪᠡᠷᠭᠡᠨ ᠳᠡᠭᠡᠨ ᠰᠡᠶᠢᠯᠵᠦ | ᠥᠭᠭᠦᠭᠰᠡᠨ ᠴᠢᠭᠡᠴᠢ ᠦᠨᠡᠨᠴᠢ ᠬᠥᠰᠢᠶᠡᠨ ᠪᠢᠴᠢᠭ ᠶᠤᠮ︔ ᠠᠪᠠᠭᠠ ᠶᠢᠨ ᠮᠢᠨᠢ ᠵᠠᠬᠢᠶᠠ ᠡᠩ ᠤᠨ ᠨᠢᠭᠡᠨ ᠵᠠᠬᠢᠳᠠᠯ ᠯᠠ ᠪᠢᠰᠢ᠂ ᠬᠠᠷᠢᠨ ᠬᠥᠮᠥᠨ ᠪᠣᠯᠵᠤ ᠭᠡᠷ | ᠪᠦᠯᠢ᠂ ᠨᠡᠶᠢᠭᠡᠮ ᠨᠡᠶᠢᠲᠡ ᠳᠤ ᠲᠤᠰᠠᠲᠠᠢ᠂ ᠮᠣᠷᠠᠯ ᠡᠷᠳᠡᠮ ᠢ ᠡᠷᠬᠢᠮᠯᠡᠵᠦ ᠨᠡᠷᠡ ᠲᠥᠷᠥ ᠲᠠᠢ ᠶᠠᠪᠤᠬᠤ ᠶᠢ ᠦᠷᠡ ᠠᠴᠢᠨᠠᠷ ᠲᠠᠭᠠᠨ ᠤᠯᠠᠮᠵᠢᠯᠠᠭᠰᠠᠨ ᠰᠤᠳᠤᠷ | ᠪᠢᠴᠢᠭ᠂ ᠭᠡᠭᠡᠨ ᠲᠣᠯᠢ ᠶᠤᠮ᠃ | ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠤᠨ ᠬᠠᠪᠤᠷ ᠶᠡᠭᠡ ᠪᠠᠶᠢᠰᠢᠩ ᠳᠤ ᠨᠣᠣᠷᠠᠭᠯᠠᠪᠠ | | |